नाशिक,दि,१२ मार्च २०२५ –बीड येथील मस्सोजाग गावचे सरपंच संतोष देशमुख यांच्या हत्या प्रकरणातील फरार आरोपी कृष्णा आंधळे नाशिकमध्ये असल्याचा दावा स्थानिकांनी केल्यामुळे एकच खळबळ उडाली आहे.गंगापूर रोड परिसरातील सहदेव नगरच्या दत्त मंदिर परिसरात कृष्णा आंधळे उभा असल्याची माहिती स्थानिकांनी दिलीय. कृष्णा आंधळेने तोंडाला मास्क आणि कपाळाला टिळा लावला होता, असे वर्णन सुद्धा स्थानिकांनी केले आहे. यामुळे सध्या एकच खळबळ उडाली असून पोलीस घटनास्थळी दाखल झाले आहे. पोलिसांकडून परिसरातील सीसीटीव्ही फुटेजची तपासणी केली जात आहे. आता या तपासणीत नेमकं काय समोर येणार? हे पाहणे महत्त्वाचे ठरणार आहे.
बीड येथील मस्सोजाग गावचे सरपंच संतोष देशमुख यांच्या हत्या प्रकरणाला तीन महिने उलटून गेले आहेत. तरीही या प्रकरणातील आरोपी कृष्णा आंधळे हा संतोष देशमुखांच्या हत्येनंतर अजूनही फरार आहे. आता फरार आरोपी कृष्णा आंधळे याला नाशिकमध्ये बघितल्याचा दावा स्थानिकांनी केला आहे.
