नाशिक, दि. १८ ऑगस्ट २०२५ –Shweta Jumaani Nashik Visit अंकज्योतिषाच्या क्षेत्रात आपल्या अभ्यासपूर्ण कार्याने जगभरात लौकिक मिळवलेली, बॉलिवूडपासून उद्योगविश्वापर्यंत अनेक नामवंतांची विश्वासू सल्लागार म्हणून ओळख असलेली सुप्रसिद्ध अंकज्योतिष तज्ज्ञ श्वेता जुमानी १९ ते २३ ऑगस्ट या कालावधीत नाशिकमध्ये दाखल होत आहेत.
नाशिक हे धार्मिक व सांस्कृतिक परंपरेने समृद्ध शहर असून कुंभमेळ्यामुळे आंतरराष्ट्रीय पातळीवरही याची विशेष ओळख आहे. अशा पवित्र भूमीवर जगप्रसिद्ध अंकज्योतिष तज्ज्ञ आगमन करत असल्याने नाशिककरांमध्ये उत्सुकता शिगेला पोहोचली आहे.
श्वेता जुमानींचा परिचय आणि पार्श्वभूमी(Shweta Jumaani Nashik Visit)
श्वेता जुमानी या सुप्रसिद्ध अंकज्योतिषतज्ज्ञ बन्सीलाल एम. जुमानी यांच्या कन्या तर तितकेच प्रसिद्ध संजय बी. जुमानी यांच्या भगिनी आहेत. अंकशास्त्रातील जुमानी कुटुंब हे भारतातच नव्हे तर जगभरात आदराने घेतले जाणारे नाव आहे.
२५ वर्षांहून अधिक काळ त्या या क्षेत्रात कार्यरत असून, हजारो लोकांचे जीवन सकारात्मक पद्धतीने बदलण्यात त्यांनी मोठे योगदान दिले आहे. त्यांच्या मते अंक हा केवळ गणिताचा भाग नसून प्रत्येक व्यक्तीच्या जीवनावर खोलवर परिणाम करणारा ऊर्जा स्त्रोत आहे. नाव, जन्मतारीख, घर क्रमांक अशा अनेक घटकांचा अभ्यास करून त्या व्यक्तीनुसार उपाय सुचवतात.
२०२५ वर्षाविषयी भविष्यवाणी
श्वेता जुमानी यांनी यापूर्वीच २०२५ हे वर्ष “९” या अंकाशी संबंधित असल्याचे भाकीत केले होते. अंक ९ हा मंगळ ग्रहाचा अंक मानला जातो आणि तो संघर्ष, आक्रमकता तसेच ऊर्जा यांचा प्रतीक आहे.त्यामुळे २०२५ हे वर्ष युद्धजन्य परिस्थिती, दुर्घटना, संघर्ष आणि जागतिक राजकारणात उलथापालथ करणारे ठरेल, असा अंदाज त्यांनी व्यक्त केला होता.त्यांच्या या भविष्यवाणीची प्रचिती जगभरातील विविध घटनांमधून आधीच दिसू लागली आहे. बलुचिस्तानमधील अस्थिरता, भारत-पाकिस्तानमधील तणाव, तसेच अमेरिकेतील अध्यक्षीय निवडणुकीतील उलथापालथींचा त्यांनी पूर्वी केलेला अंदाज खरा ठरला आहे. शिवाय चांदीच्या दरात झालेली वाढ आणि शेअर बाजारातील अस्थिरता यांचाही उल्लेख त्यांनी वर्षाच्या प्रारंभीच केला होता.
सुप्रसिद्ध व्यक्तींची विश्वासू सल्लागार
श्वेता जुमानी या केवळ सामान्य लोकांसाठीच नव्हे, तर बॉलिवूड, क्रीडा, उद्योगक्षेत्र आणि राजकारणातील दिग्गज व्यक्तींसाठीही विश्वासू सल्लागार म्हणून ओळखल्या जातात.शाहरुख खान, सलमान खान, अजय देवगण, एकता कपूर, रोहित शेट्टी, अनिल कपूर यांच्यासह क्रिकेटपटू एम. एस. धोनी, उद्योगपती मुकेश अंबानी यांसारख्या दिग्गजांनी त्यांच्या सल्ल्याचा लाभ घेतला आहे.बिग बॉससारख्या टीव्ही कार्यक्रमांपासून अनेक चित्रपट व ब्रँडच्या यशामागे श्वेता जुमानींच्या अंकशास्त्रीय सूचनांचा हात आहे, असे खुद्द निर्माते-कलाकार मान्य करतात.
नाशिकमधील खास कार्यक्रम
श्वेता जुमानी नाशिकमध्ये वास्तव्यास असताना २० ऑगस्ट रोजी दुपारी ४ वाजता गुरुदक्षिणा हॉल, कॉलेज रोड येथे ‘लोकमत सखी’ सदस्यांसाठी विशेष कार्यक्रम आयोजित करण्यात आला आहे. या कार्यक्रमात त्या अंकशास्त्राचे महत्त्व, व्यक्तीगत व कौटुंबिक आयुष्यावर होणारे परिणाम याबाबत मार्गदर्शन करतील.सामान्य लोकांनाही त्यांच्या खासगी सत्रांद्वारे आर्थिक, शैक्षणिक, आरोग्य, व्यवसाय, विवाह, संतती, करिअर यांसारख्या विषयांवर सल्ला घेण्याची संधी उपलब्ध होणार आहे.
काळाराम मंदिर दर्शन
नाशिकच्या धार्मिक वारशाचा एक महत्त्वाचा घटक असलेल्या काळाराम मंदिरात श्वेता जुमानी दर्शनासाठी येणार असल्याची माहिती मंदिराचे विश्वस्त महंत सुधीरदास पुजारी यांनी दिली. या मंदिराचे आध्यात्मिक वातावरण आणि नाशिकच्या अध्यात्मिक भूमीमुळे त्यांच्या भेटीला वेगळेच महत्त्व प्राप्त झाले आहे.
अंकशास्त्राचा सामान्य लोकांसाठी उपयोग
श्वेता जुमानी यांचा ठाम विश्वास आहे की, केवळ नावातील स्पेलिंगमध्ये छोटासा बदलसुद्धा व्यक्तीच्या नशिबात मोठा बदल घडवू शकतो.त्यांच्या मार्गदर्शनाखाली हजारो लोकांनी दुकान/कंपनी/ब्रँडची नावे बदलून यश मिळवले आहे. अनेक पालक आपल्या नवजात बाळांना नाव ठेवताना त्यांच्या सल्ल्याचा आधार घेतात.शैक्षणिक अडथळे, करिअरमधील अडचणी, आर्थिक संकटे, वैवाहिक समस्या यांसारख्या अनेक बाबींमध्ये अंकशास्त्र प्रभावी उपाय सुचवू शकते, असा त्यांचा अनुभव आहे.
नाशिकविषयी उत्सुकता
श्वेता जुमानी यांनी २००३ मध्ये पुण्यात आपल्या व्यावसायिक प्रवासाला प्रारंभ केला होता. त्या काळी पुणे हे ‘पेंशनर्स पराडाइज’ म्हणून ओळखले जात असे. पण श्वेतांनी भाकीत केले होते की २००४ नंतर पुणे हे आयटी, मॉल्स, हॉटेल्स आणि आंतरराष्ट्रीय स्तरावरील प्रकल्पांमुळे वेगाने विकसित होईल – आणि ते खरे ठरले.आता नाशिकच्या भेटीत त्या कुंभनगरीचे भवितव्य, विकास, राजकीय समीकरणे व जागतिक पातळीवरील स्थान या संदर्भात काय भविष्यवाणी करतात, याकडे सर्वांचे लक्ष लागले आहे.
सोशल मीडिया व आधुनिक संवाद
श्वेता जुमानी या पारंपरिक अंकशास्त्राला आधुनिक स्वरूपात सादर करण्यासाठी सोशल मीडिया आणि डिजिटल प्लॅटफॉर्मवरही सक्रिय आहेत.इंस्टाग्रामवर त्यांचे १.५ लाखांहून अधिक फॉलोअर्स असून, यूट्यूबवरही त्यांनी अंकशास्त्रविषयक अनेक माहितीपूर्ण व्हिडिओ उपलब्ध करून दिले आहेत. TEDx स्पीकर म्हणून त्यांची व्याख्याने प्रसिद्ध झाली आहेत.
श्वेता जुमानी यांचे नाशिक आगमन हे केवळ अंकशास्त्रप्रेमींसाठीच नव्हे तर संपूर्ण शहरासाठी एक विशेष संधी आहे.आध्यात्मिक व ऐतिहासिक महत्त्व असलेल्या नाशिकमध्ये त्या कोणते मार्गदर्शन करतात, कोणती भविष्यवाणी करतात आणि कोणते उपाय सुचवतात, याची उत्सुकता दिवसेंदिवस वाढत आहे.त्यांचे आगमन हे नाशिकच्या सांस्कृतिक व सामाजिक जीवनाला नवीन ऊर्जा देणारे ठरेल, असा विश्वास नाशिककर व्यक्त करत आहेत.
संपर्क तपशील
📞 ९८३४८८५१३२ / ९८२२३५४५२६
🌐 वेबसाईट : www.jumaani.com
📧 ईमेल : swettajumaani@rediffmail.com
