नवी दिल्ली | ९ सप्टेंबर २०२५ – C.P. Radhakrishnan Vice President of India देशाच्या राजकारणात मोठी घटना घडली असून महाराष्ट्राचे माजी राज्यपाल सी.पी. राधाकृष्णन (C.P. Radhakrishnan) यांची भारताच्या नव्या उपराष्ट्रपतीपदी (Vice President of India) निवड झाली आहे. निवडणुकीत एनडीएच्या राधाकृष्णन यांनी महाविकास आघाडीचे उमेदवार बी. सुदर्शन रेड्डी यांचा पराभव केला.
अपेक्षेपेक्षा जास्त मतं (C.P. Radhakrishnan Vice President of India)
या निवडणुकीत एकूण ७५२ वैध मते पडली. यापैकी ४५२ पहिल्या पसंतीची मते राधाकृष्णन यांच्या झोळीत पडली तर रेड्डी यांना ३०० मते मिळाली. १५ मते अवैध ठरली. निकालानंतर इंडिया आघाडीतील काही खासदारांनी क्रॉस व्होटिंग केल्याचं स्पष्ट झालं.
मोदींचं अभिनंदन व काँग्रेसला टोला
पंतप्रधान नरेंद्र मोदींनी राधाकृष्णन यांचं अभिनंदन करताना “त्यांचं आयुष्य सदैव समाज, गरीब व वंचित घटकांच्या सेवेसाठी वाहिलं गेलं आहे” असं म्हटलं.
दरम्यान भाजप खासदार डॉ. अजित गोपछडे यांनी निकालानंतर काँग्रेसवर टीका करत राहुल गांधींनी आत्मपरीक्षण करावं असा सल्ला दिला.
Congratulations to Thiru CP Radhakrishnan Ji on winning the 2025 Vice Presidential election. His life has always been devoted to serving society and empowering the poor and marginalised. I am confident that he will be an outstanding VP, who will strengthen our Constitutional…
— Narendra Modi (@narendramodi) September 9, 2025
राजकीय प्रवास
सी.पी. राधाकृष्णन यांनी १७ वर्षांच्या वयात जनसंघात प्रवेश केला. ते तामिळनाडू भाजपचे प्रदेशाध्यक्ष राहिले आहेत. १९९८ व १९९९ मध्ये कोईम्बतूर लोकसभा मतदारसंघातून ते भाजपच्या तिकिटावर निवडून आले. मात्र २००४, २०१२ आणि २०१९ मध्ये त्यांना पराभव पत्करावा लागला.
ते याआधी झारखंडचे राज्यपाल राहिले असून २०२३ मध्ये त्यांची महाराष्ट्राचे राज्यपाल म्हणून नियुक्ती झाली होती.
शैक्षणिक व वैयक्तिक जीवन
राधाकृष्णन यांनी मदुराई विद्यापीठातून बीबीए पदवी घेतली. तसेच त्यांनी राज्यशास्त्रात पीएचडी केली आहे. त्यांना टेबल टेनिस, क्रिकेट व व्हॉलीबॉलची आवड असून महाविद्यालयीन जीवनात खेळांमध्ये त्यांनी अनेक पारितोषिकं जिंकली होती.
राज्यपाल बदलाची मोठी फेरबदल
उपराष्ट्रपती निवडणुकीसोबतच अनेक राज्यांमध्ये नवीन राज्यपालांच्या नियुक्त्या करण्यात आल्या. हरिभाऊ बागडे यांची राजस्थानचे राज्यपाल म्हणून निवड झाली आहे, तर जिष्णू देव वर्मा तेलंगणाचे, ओमप्रकाश माथूर सिक्कीमचे, संतोष गंगवार झारखंडचे, रामेन डेका छत्तीसगडचे आणि सी.एच. विजयशंकर मेघालयचे राज्यपाल झाले आहेत.
राजकीय समीकरणे बदलणार?
सी.पी. राधाकृष्णन यांच्या विजयामुळे एनडीएला संसदेतील बळकटी मिळणार आहे. उपराष्ट्रपती हे राज्यसभेचे सभापतीदेखील असतात, त्यामुळे आगामी काळात संसदीय घडामोडींवर याचा महत्त्वपूर्ण परिणाम होणार आहे.
