नरेडको आयोजित “होमथॉन” प्रदर्शनाच्या मंडपाचा सोमवारी भूमिपूजन सोहळा

नाशिक,दि.९ डिसेंबर २०२३ –सर्वसामान्यांच्या स्वप्नातील व वाजवीदराच्या घरकुलाचे स्वप्न साकार करण्यासाठी नॅशनल रिअल इस्टेट डेव्हलपमेंट कौन्सिल (नरेडको) तर्फे २१ ते २५ डिसेंबरपर्यंत सकाळी १० ते रात्री ९ असे ५ दिवसांचे होमथॉन प्रदर्शन गंगापूररोडवरील डोंगरे वसतिगृह मैदान येथे आयोजित करण्यात आले असून डोम उभारणीच्या कामाचे भूमिपूजन प्रदर्शनाचे मुख्य प्रायोजक दीपक बिल्डर्स अँड डेव्हलपर्सचे चेअरमन दीपक चंदे यांच्या हस्ते तसेच सह प्रायोजक रुंग्ठा बिल्डकॉनचे ललित रुंग्ठा तसेच प्रायोजक विजय सानप (ग्रोथ लॅब)यांच्या प्रमुख उपस्थितीत सोमवार दिनांक ११ डिसेंबर रोजी सायंकाळी ४ वाजता गंगापूररोड वरील डोंगरे वसतिगृह मैदान येथे होणार आहे अशी माहिती माहिती नरेडकोचे अध्यक्ष अभय तातेड आणि समन्वयक जयेश ठक्कर,सह समन्वयक शंतनू देशपांडे,भूषण महाजन यांनी दिली आहे.

आपल्या स्वप्नातील घर व्हावे त्यांच्यासाठी हे प्रदर्शन म्हणजे एकप्रकारची पर्वणीच असून नाशिक, मुंबईसह नामवंत बांधकाम व्यावसायिकांच्या प्रॉपर्टीज एकाच छताखाली बघण्याची व ती खरेदी करण्याची संधी या प्रदर्शनामुळे त्यांना उपलब्ध होईल, अपार्टमेंट्स, शॉप्स, ऑफिसेस यासाठी स्मार्ट सिटी नाशिक मध्ये गुंतवणूक करण्याची ही योग्य संधी आहे.सर्वांना परवडणारी घरे या प्रदर्शनात असणार आहे. डोंगरे वसतिगृह मैदानावर २१ ते २५ डिसेंबर पासून नागरिकांना खुले असून जास्तीतजास्त नागरीकांनी प्रदर्शनाला भेट द्यावी असे आवाहन नरेडकोचे सचिव सुनील गवादे,यांनी केले आहे.