📍मुंबई | २ जुलै २०२५ – BJP Maharashtra President 2025 भारतीय जनता पक्षाचे नवनियुक्त प्रदेशाध्यक्ष रविंद्र चव्हाण यांच्या निवडीवर प्रतिक्रिया देताना केंद्रीय मंत्री आणि भाजपचे माजी राष्ट्रीय अध्यक्ष नितीन गडकरी यांनी म्हटले की, “हाडाचा कार्यकर्ता प्रदेशाध्यक्ष होतो, हे केवळ भाजपमध्येच शक्य आहे.”
🔹 कार्यकर्त्यांपासून नेतृत्वापर्यंतचा प्रवास
कार्यक्रमाच्या समारोपप्रसंगी गडकरी म्हणाले,
“रविंद्र चव्हाण यांचे आईवडील कोणी आमदार नव्हते, पाठीशी उद्योग नव्हता, पण त्यांनी कार्यकर्त्याच्या निष्ठेने कोकणात भाजप रुजवला. पक्षासाठी तळागाळात काम केलं. त्यांच्यासारखे कार्यकर्ते ही भाजपाची खरी संपत्ती आहे.”
🔹 मोदींनी पूर्ण केली काँग्रेसच्या ६० वर्षांची पोकळी
गडकरी म्हणाले की,
“काँग्रेसने ६० वर्षात जे काम केलं नाही, ते पंतप्रधान नरेंद्र मोदींनी गेल्या ११ वर्षांत करून दाखवलं. अजून बरेच काही शिल्लक आहे.”
त्यांनी भारताच्या ५ ट्रिलियन डॉलर इकोनॉमीचे लक्ष्य अधोरेखित केले आणि महाराष्ट्राचे नेतृत्व मुख्यमंत्री देवेंद्र फडणवीस यांच्याकडे असल्याने राज्याचा मोलाचा वाटा राहील, असे सांगितले.
🔹 शिवशाहीची नवसंस्था : संघटन + प्रशासन
गडकरी पुढे म्हणाले,
“रविंद्र चव्हाण यांच्या नेतृत्वात संघटन बळकट होईल आणि फडणवीस यांच्या नेतृत्वाखाली प्रशासन सक्षम आहे. हे दोघे मिळून छत्रपती शिवाजी महाराजांच्या विचारांवर आधारित शिवशाही राज्यात आणतील.”
🔹 मावळत्या प्रदेशाध्यक्ष बावनकुळे यांचा गौरव (BJP Maharashtra President 2025)
“चंद्रशेखर बावनकुळे यांचा संघर्षशील कार्यकर्त्यापासून नेतृत्वापर्यंतचा प्रवास प्रेरणादायक आहे. त्यांनी पक्षासाठी रात्रंदिवस परिश्रम घेतले आणि विधानसभेत यश मिळवून दिलं,” असे गौरवोद्गारही गडकरी यांनी काढले.
🌟 भाजप – कार्यकर्त्यांची पार्टी
या निवडीने पुन्हा एकदा भाजपमध्ये “कार्यकर्ता सर्वोपरि” ही परंपरा अधोरेखित झाली आहे. पक्षाचा कोणताही कार्यकर्ता मेहनतीने आणि निष्ठेने सर्वोच्च पदापर्यंत पोहोचू शकतो, असा संदेश पक्षसंघटनेने दिला आहे.
