क्रेडाई गृह प्रदर्शनाला मिळालेल्या प्रतिसादा मुळे नाशिकच्या अर्थकारणाला मिळाली नवी दिशा

नाशिक, दि. १७ ऑगस्ट २०२५ – CREDAI Nashik Property Expo नाशिक शहरात गत चार दिवसांपासून ठक्कर डोम येथे सुरु असलेल्या “नम: नाशिक प्रॉपर्टीचा महाकुंभ” या क्रेडाई नाशिक मेट्रोच्या गृह प्रदर्शनाचा आज समारोप होत आहे. या प्रदर्शनास नागरिकांचा मिळालेला प्रचंड प्रतिसाद शहराच्या सकारात्मक अर्थकारणाची नांदी ठरत असल्याचे मत क्रेडाई नाशिक मेट्रोचे अध्यक्ष गौरव ठक्कर यांनी व्यक्त केले.

अर्थकारणाला चालना(CREDAI Nashik Property Expo)

गौरव ठक्कर यांनी सांगितले की, बांधकाम क्षेत्र हे केवळ घरकुल उपलब्ध करून देणारे क्षेत्र नसून रोजगारनिर्मिती, पूरक उद्योगांची वाढ आणि सेवा क्षेत्राला चालना देणारे केंद्र आहे.

त्यांच्या मते –इमारत निर्माणाधीन असताना जवळपास ४८ वेगवेगळ्या उत्पादने व सेवांची गरज भासते.इमारत पूर्ण झाल्यानंतर रहिवाशांसाठी जवळपास २२ प्रकारच्या सेवा आवश्यक होतात.

यामुळे मोठ्या प्रमाणावर प्रत्यक्ष आणि अप्रत्यक्ष रोजगाराची निर्मिती होते. गृह प्रकल्पांना मिळणारा उत्स्फूर्त प्रतिसाद म्हणजे शहराच्या अर्थकारणाला मिळालेली सकारात्मक चालना असल्याचे त्यांनी नमूद केले.

सर्वांसाठी पर्याय

प्रदर्शनाचे समन्वयक ऋषिकेश कोते यांनी सांगितले की, “या प्रदर्शनात १५ लाखांपासून ते ४ कोटींपर्यंतच्या सदनिकांचे पर्याय उपलब्ध आहेत. त्यामुळे मध्यमवर्गीय, उच्च मध्यमवर्गीय तसेच उच्चभ्रू अशा सर्वच स्तरातील ग्राहकांना आपले घर शोधण्याची संधी येथे मिळाली.”

सध्याच्या तुलनेत गृहकर्जावरील व्याजदर तुलनेने कमी आहेत. तसेच विविध बँका व वित्तीय संस्थांकडून आकर्षक ऑफर्स देण्यात आल्या आहेत. त्यामुळे या प्रदर्शनातून घर खरेदीसाठी उत्तम संधी निर्माण झाली असल्याचे त्यांनी सांगितले.

नाशिकचे बदलते रूप

समन्वयक नरेंद्र कुलकर्णी यांनी नाशिकच्या बदलत्या रूपावर प्रकाश टाकला. ते म्हणाले की, “एकेकाळी टुमदार एकमजली-दुमजली घरे असलेले नाशिक आता उंच इमारती, टाउनशिप प्रकल्प आणि आधुनिक सोयीसुविधांनी सजलेले शहर बनत आहे. या प्रदर्शनातच ५०० पेक्षा जास्त घरांचे पर्याय एका छताखाली उपलब्ध झाले आहेत. त्यामुळे घर शोधणाऱ्यांनी आजच प्रदर्शनाला भेट द्यावी.”

प्रदर्शन स्थळी स्पॉट बुकिंग करणाऱ्यांना चांदीचा शिक्का भेट देण्यात आला. यापैकी सौ. प्रतिभा ठाकूर या नाशिकच्या गृहखरेदीदाराला भेट देण्यात आली.

समारोप समारंभ

आज संध्याकाळी सहा वाजता होणाऱ्या समारोप समारंभाला विभागीय आयुक्त डॉ. प्रवीण गेडाम, महापालिका आयुक्त मनिषा खत्री, पोलीस आयुक्त संदीप कर्णिक, तसेच नाशिक महानगर विकास प्राधिकरणाचे आयुक्त माणिक गुरसळ प्रमुख पाहुणे म्हणून उपस्थित राहणार आहेत.

लकी ड्रॉ विजेते

प्रदर्शनात आलेल्या नागरिकांपैकी भाग्यवान विजेते लकी ड्रॉद्वारे निवडले गेले. त्यामध्ये –चंद्रकांत भारंभे, शेजल संघवी, दिनेश राठोड, प्रशांत शेलोळे, चंद्रशेखर जोशी, चंदन लिहितकर, निलेश शहाकर, हेमलता शाळके, सागर ठोके, रुषिकेश धनवटे, सुजाता कातकडे, अजय मेहता, अमोल भोरसे – यांचा समावेश आहे.

यशामागचे योगदान

प्रदर्शनास दीपक बिल्डर्स अँड डेव्हलपर्स यांचे मुख्य प्रायोजकत्व लाभले. तसेच क्रेडाई नाशिक मेट्रोचे मानद सचिव तुषार संकलेचा, एक्स्पो कमिटी प्रमुख मनोज खिवंसरा, आयपीपी कृणाल पाटील, उपाध्यक्ष अनिल आहेर, उदय घुगे, अंजन भालोदिया, कोषाध्यक्ष श्रेणिक सुराणा, सहसचिव सचिन बागड, हंसराज देशमुख, तसेच मॅनेजिंग कमिटी सदस्य श्यामकुमार साबळे , अनंत ठाकरे, विजय चव्हाणके, सागर शाह, निशित अटल, सुशील बागड, निरजन शाह, वृषाली हिरे, दीपाली बीरारी, सहयोगी सदस्य सतीश मोरे,सुशांत गांगुर्डे, अभिषेक महाजन,समीर सोनवणे, मनोज लाडानी, हर्षल हणमंते, भूषण कोठावदे, शिवम पटेल, हिरेन भडजा, मयुरेश चौधरी, ऋषभ तोडरवाल, क्रेडाई युवा विग समन्वयक आदित्य भातंबरेकर , सह समन्वयक अजिंक्य नाहर हे विशेष सहकार्य करत आहेत. क्रेडाई युवा विंगचे समन्वयक यांच्या एकत्रित प्रयत्नांमुळे हे प्रदर्शन यशस्वी झाले.

या प्रदर्शनामुळे नाशिकमधील रिअल इस्टेट क्षेत्राला नवचैतन्य मिळाले असून येणाऱ्या सणासुदीच्या पार्श्वभूमीवर घर खरेदीसाठीचा नागरिकांचा उत्साह वाढल्याचे दिसून आले आहे. शहराच्या प्रगतीसाठी हा एक सकारात्मक टप्पा ठरला आहे.