नवी दिल्ली,दि.२६ सप्टेंबर २०२३ –भारतीय चित्रपट सृष्टीत सर्वोच्च पुरस्कार समजला जाणारा दादासाहेब फाळके जीवन गौरव पुरस्कार ज्येष्ठ अभिनेत्री वहिदा रहमान यांना जाहीर झाला आहे अशी घोषणा केंद्रीय माहिती प्रसारणमंत्री अनुराग ठाकूर यांनी केली.अनुराग ठाकूर ट्विट करत म्हणाले, ‘वहिदा रहमान यांना भारतीय चित्रपटसृष्टीतील अतुलनीय योगदानाबद्दल या वर्षी प्रतिष्ठित दादासाहेब फाळके जीवनगौरव पुरस्काराने सन्मानित करण्यात येत आहे, हे जाहीर करताना मला अत्यंत आनंद आणि सन्मान वाटतो.’ सध्या सर्वत्र अनुराग ठाकूर यांच्या ट्विटची चर्चा रंगत आहे.
वहिदा रहमान यांचं सिनेसृष्टीत ५ दशकांचं योगदान आहे. याआधी वहिदा रेहमान यांचा पद्मभूषण, राष्ट्रीय पुरस्काराने गौरव करण्यात आला आहे. आता सिनेसृष्टीतील सर्वोच्च पुरस्काराने त्यांना गौरवलं जाणार आहे.
सदाबहार अभिनेत्री वहीदाजी यांना हिंदी चित्रपटातील त्यांच्या भूमिकांसाठी समीक्षकांद्वारे कौतुक करण्यात आले आहे. प्यासा, कागज के फूल, चौदहवी का चांद, साहेब बीवी और गुलाम, गाइड, खामोशीसह अन्य अनेक चित्रपट त्यांच्या नावावर आहेत.वहिदा रहमान यांनी ६० – ७० च्या दशकात बॉलिवूडवर राज्य केलं. वहिदा रहमान आणि देव आनंद यांच्या जोडीला चाहत्यांनी डोक्यावर घेतलं. ‘सीआयडी’पासून ‘गाईड’पर्यंत या दोघांनी अनेक उत्तम चित्रपट एकत्र केले आहेत.
हिंदी चित्रपट क्षेत्रातल्या उत्तुंग योगदानासाठी ज्येष्ठ अभिनेत्री वहिदा रहमान यांना यंदाचा #दादासाहेब_फाळके_जीवनगौरव_पुरस्कार जाहीर.#VaheedaRehman @DDNewslive pic.twitter.com/cm7pOIfdjV
— DD Sahyadri News | सह्याद्री बातम्या (@ddsahyadrinews) September 26, 2023
I feel an immense sense of happiness and honour in announcing that Waheeda Rehman ji is being bestowed with the prestigious Dadasaheb Phalke Lifetime Achievement Award this year for her stellar contribution to Indian Cinema.
Waheeda ji has been critically acclaimed for her…
— Anurag Thakur (@ianuragthakur) September 26, 2023
