नाशिक- नाशिक जिल्हा क्रिकेट संघटनेच्या त्रैवार्षिक निवडणूकीत खेळाडू पॅनेलचे सर्व दहाही उमेदवार, मोठ्या मतधिक्याने विजयी झाले .१० पदांसाठी, ११ अर्ज असल्याने कार्यकारिणी साठी निवडणूक घेण्यात आली होती.
आज शनिवार दिनांक ९ एप्रिल रोजी गंगापूर रोड वरील मते नर्सरीच्या अन्नपूर्णा सभागृहात झाली.नाशिक जिल्हा क्रिकेट संघटनेच्या कार्यकारिणी सदस्यांच्या १० पदांसाठी झालेल्या त्रैवार्षिक ( सन २०२२ ते २०२५ ) निवडणुकीत ,खेळाडू पॅनेल चे सर्व दहाही उमेदवार, मोठ्या मतधिक्याने विजयी झाले .१० पदांसाठी, ११ अर्ज असल्याने कार्यकारिणी साठी निवडणूक घेण्यात आली.
अध्यक्ष श्री धनपाल ( विनोद ) शाह, सेक्रेटरी श्री समीर रकटे, खजिनदार श्री हेमंत देशपांडे व जॉइंट सेक्रेटरी – १) श्री योगेश ( मुन्ना ) हिरे व २) श्री चंद्रशेखर दंदणे हे पाच पदाधिकारी तसेच तीन निवड समिति सदस्य : १) श्री सतीश गायकवाड २) श्री तरुण गुप्ता ३) श्री फय्याज गंजीफ्रॉकवाला हे आधीच बिनविरोध निवडुन आले होते.
नवनिर्वाचित कार्यकारिणी सदस्य व त्यांना मिळालेली एकूण मते पुढीलप्रमाणे :
१- श्री महेन्द्र ( राजू ) कारभारी आहेर – ८६६.
२- श्री अनिरुद्ध भांडारकर – ८७०.
३- श्री राघवेंद्र जोशी- ८६० .
४- श्री महेश मालवी – ८६४.
५- श्री बाळासाहेब मंडलिक – ८५७.
६- श्री रौफ पटेल -८४५.
७- श्री जगन्नाथ पिंपळे- ८५१.
८- श्री विनायक रानडे – ८६५ .
९- श्री निखिल टिपरी – ८५६.
१०- श्री शिवाजी उगले – ८४०.
पराभूत उमेदवार श्री महेश भामरे यांना एकूण १२९ मते मिळाली .सदर निवडणूकी साठी ॲड मनीष लोणारी आणि असोसिएट्स यांनी निवडणूक अधिकारी म्हणून काम पाहिले .उद्या रविवार दिनांक १० एप्रिल रोजी , सकाळी ११ वाजता कुसुमाग्रज स्मारक , विद्या विकास सर्कल , गंगापूर रोड येथे होणार्‍या वार्षिक सर्वसाधारण सभेत अधिकृत निकाल घोषित होणार आहे.या निर्विवाद यशामुळे अध्यक्ष श्री धनपाल ( विनोद ) शाह यांच्या नेतृत्वाखालील विजयी खेळाडू पॅनेल चे सर्वत्र अभिनंदन होत आहे.
