‘जारण’चा नवा विक्रम! १२ दिवसांत ३.५ कोटींचा गल्ला

📅 मुंबई, दि. १८ जून २०२५ – Jaaran Marathi Film   मराठी चित्रपटसृष्टीतील बहुचर्चित आणि संवेदनशील विषय असलेला ‘जारण’ हा चित्रपट प्रेक्षकांच्या मनात आपले वेगळं स्थान निर्माण करण्यात यशस्वी ठरला आहे. केवळ १२ दिवसांत तब्बल ३.५ कोटींचा गल्ला जमवत या चित्रपटाने मराठी बॉक्स ऑफिसवर मोठा विक्रम केला आहे.

🎬 दुसऱ्या आठवड्यातही धमाका!(Jaran Marathi Movie Box Office Collection)
सप्ताहांत म्हणजेच विकेण्डमध्येच ‘जारण’ने १.६५ कोटी रुपयांची कमाई केली आहे. अलीकडच्या मराठी चित्रपटांच्या तुलनेत हा आकडा मोठा मानला जात आहे. विशेष म्हणजे प्रत्येक शोमध्ये प्रेक्षकांचा उत्स्फूर्त प्रतिसाद पाहायला मिळतोय.

🌟 कथेचा प्रभाव, अभिनयाची ताकद (Jaaran Marathi Film )
अमृता सुभाष आणि अनिता दाते यांच्या दमदार अभिनयाने ‘जारण’च्या कथेला भावनिक गहिराई मिळाली असून, सोशल मीडियावर दोघींच्या अभिनयाची विशेष चर्चा सुरू आहे. वास्तवाशी नातं सांगणारी कथा, दिग्दर्शनातील सुसूत्रता आणि प्रेक्षकांच्या भावना हाताळण्याची नजाकत यामुळे चित्रपट सर्व वयोगटांमध्ये लोकप्रिय ठरत आहे.

🎥 दिग्दर्शक आणि निर्मात्यांची प्रतिक्रिया
दिग्दर्शक हृषिकेश गुप्ते म्हणतात, “समाजातील नाजूक विषय प्रामाणिकपणे मांडण्याचा आमचा प्रयत्न होता. प्रेक्षकांनी तो उचलून धरल्यामुळे आम्हाला समाधान वाटतं.”

निर्माते अमोल भगत यांनी सांगितलं, “प्रत्येक शोला मिळणारा प्रतिसाद आमच्या टीमच्या मेहनतीचं फळ आहे. आमच्या चित्रपटाचं यश हे एक सामूहिक प्रयत्नाचं फळ आहे.”

🎞️ तांत्रिक बाजू आणि निर्मिती

लेखन व दिग्दर्शन: हृषिकेश गुप्ते
निर्माते: अमोल भगत, नितीन भालचंद्र कुलकर्णी
सहनिर्माते: मनन दानिया
प्रस्तुती: अनिस बाझमी प्रॉडक्शन्स, ए अँड एन सिनेमाज एलएलपी, ए३ इव्हेंट्स अँड मिडिया सर्व्हिस

🌟 प्रमुख कलाकार:( Amruta Subhash Anita Date Movie)
अमृता सुभाष, अनिता दाते, किशोर कदम, विक्रम गायकवाड, ज्योती माळशे, राजन भिसे, सीमा देशमुख, अवनी जोशी