नाशिक दि. १ डिसेंबर २०२२ – सार्वजनिक वाचनालय नाशिकच्या वतीने सावानाचे माजी अध्यक्ष मधुकर (अण्णा) झेंडे यांचे स्वलिखित “गुण गाईन आवडी” या पुस्तकाचा प्रकाशन समारंभ आज गुरुवार दि. १ डिसेंबर, २०२२ रोजी सायं. ६.०० वा. परशुराम साईखेडकर नाट्यमंदिर येथे संपन्न होत आहे.
अण्णा झेंडे यांनी नुकतीच वयाची ८६ वर्षे पूर्ण केली असून त्यांचा अभीष्टचिंतन सोहळा याच कार्यक्रमात संपन्न होणार आहे. कार्यक्रमाचे प्रमुख पाहुणे सुप्रसिद्ध निवेदक सुधीर गाडगीळ असून सावानाचे अध्यक्ष प्रा.दिलीप फडके व सावाना कार्यकारी मंडळ यांच्या प्रमुख उपस्थितीत होणार आहे. या कार्यक्रमास सावाना सभासद, वाचक व साहित्य प्रेमी नागरिकांनी मोठ्या संख्येने उपस्थित राहावे असे आवाहन सावाना कार्यकारी मंडळाने केले आहे.
