आजचे राशिभविष्य गुरूवार, ९ ऑक्टोबर २०२५

ज्योतिषी मंगेश पंचाक्षरी, नाशिक (Marathi Rashi Bhavishya)

अश्विन कृष्ण तृतीया. विश्वावसुनाम संवत्सर. शके १९४७, संवत २०८१.

राहुकाळ – दुपारी १.३० ते दुपारी ३.००

“आज दुपारी १.०० पर्यंत चांगला दिवस आहे”

चंद्र नक्षत्र – भरणी/ (रात्री ८.०३ नंतर) कृतिका.

आज जन्मलेल्या बाळाची राशी – मेष.

९ ऑक्टोबर रोजी जन्मलेल्या व्यक्तींची वैशिष्ट्ये:-(Marathi Rashi Bhavishya)

तुमच्यावर मंगळ आणि शुक्र या ग्रहांचा प्रभाव आहे, तुम्ही आक्रमक, धाडसी, तडफदार, कार्यक्षम आणि लढावृ वृत्तीचे आहात. इतरांची कुरापत काढणे तुम्हाला आवडते. तुम्ही महत्त्वाकांक्षी असून स्वतःच्या विषयाची तुम्हाला पूर्ण माहिती असते. तसेच स्वकर्तृत्वाबद्दल तुम्हाला पूर्ण विश्वास असतात. स्वतःचे निर्णय तुम्ही स्वतःच घेतात. ध्येयपूर्ती झाल्याशिवाय तुम्ही थांबत नाहीत. तुमच्यामध्ये उतावळेपणा असतो. तुम्ही संभाषणचतुर असतात. जीवनात तुम्हाला अधिकार आणि मानसन्मान मिळतात. सहसा तुम्ही स्वतःची चूक कधीही मान्य करत नाहीत. तुम्हाला मैदानी खेळांची आणि शक्तिशाली व्यायामाची आवड असते. दुर्बल लोकांना वर दया करण्यात तुम्हाला एक सुप्त आनंद मिळतो. आजारी लोकांना बरे करण्याची तुमच्यामध्ये शक्ती असते. तुम्ही तापट असला तरी शुक्र ग्रहाच्या प्रभावामुळे तुम्ही स्वतःवर ताबा ठेवू शकतात. तुमचे विचार तुम्ही ठामपणे मांडतात आणि तुमच्या मध्ये धैर्य असते. तुम्हाला प्राणी प्रिय असतात आणि कायद्याचे पालन करणे आवडते. तुम्ही अत्यंत विश्वासू आणि जबाबदारीच्या जागा सांभाळू शकतात. तुमची मानसिक शक्ती अफाट आहे. प्रवासामुळे तुमचा दृष्टिकोन विशाल होतो. तुम्ही विचारवंत आणि अभ्यास वृत्तीचे आहात. तुमचे विचार काळाच्या पुढे असतात. त्यामुळे इतर लोक तुमचा सल्ला घेतात. तुमच्या आवडी निवडी बाबत तुम्ही अत्यंत ठाम असतात. तुम्ही अहंकार टाळला पाहिजे.

व्यवसाय:- हॉटेल, बेकरी, संगीतकार, दागिने विक्री, आर्किटेक्ट, गृह सजावट, लोखंडाशी संबंधित व्यवसाय, इंजिनिअर, बांधकाम क्षेत्र मिल्ट्री, पोलीस, गुप्तहेर.

शुभ दिवस:- सोमवार, गुरुवार, शुक्रवार.

शुभ रंग:- तांबडा, पांढरा, पिवळा.

शुभ रत्न:- पुष्कराज, मोती, माणिक.

(रत्ने घेताना कुंडलीचा देखील उपयोग करा)

मेष:-(चू,चे,चो,ला,ली,ले,लो,आ) चंद्राचा गुरू आणि शुक्राशी शुभ योग आहे. तर सूर्याशी अशुभ योग आहे. मन आनंदी करणाऱ्या घटना घडतील. प्रेमात यश मिळेल. गुरुची नाराजी कमी होईल. प्रवास सुखकर होतील.

वृषभ:- (इ,उ,ए,ओ, वा,वी,वू,वे,वो) धनलाभाचा दिवस आहे. कार्यसिद्धी होईल. तुमचा हुद्दा वाढू शकतो. आज दर्जात्मक कामे होतील. शत्रूचा पराभव होईल. आज कर्जे फेडणायसाठी चंगला दिवस आहे.

मिथुन:- (का,की,कु,घ,गं, छा,के,को,हा) अनुकूल ग्रहमान आहे. तृतीय शुक्र मान सन्मान मिळवून देईन. मित्रांकडून लाभ होतील. आप्त आणि नातेवाईक यांच्या भेटी होतील. आज तुम्हाला नवीन आशा दिसू लागतील. परदेशगमन घडेल.

कर्क:-(हु,हे,हो,डा,डी,डु,डे, डो) द्वितीय शुक्र तुम्हाला भरभराट देईन. आज तुम्हाला देणगी किंवा बक्षीस रूपाने भेट मिळेल. काही अडकलेली कामे आज पुढे सरकतील. दूरच्या देशात प्रवास घडू शकतो. गुप्त कारवायांचा सामना करावा लागेल.

सिंह:- (मा,मी,मू,मे,मो,टा, टी, टू, टे) अत्यंत अनुकूल ग्रहमान आहे. आज तुमच्या वागण्यात दिखाऊपणा वाढू शकतो. उंची वस्त्रे खरेदी होईल. द्रव्यालाभ घरदारआहे. सुगंधी द्रव्ये खरेदी होऊ शकते. तुमची समाजाभिमुखता वाढेल. महत्वाकांक्षा वाढतील.

कन्या:- (टो, पा,पी,पू,षा णा,ठा,पे,पो) अष्टम स्थानी चंद्र आहे. एकट्या शुक्राच्या बळावर वाटचाल करावी लागणार आहे. सत्कृत्य करण्याकडे कल असेल. चैनीच्या वस्तूंची खरेदी होईल. आज केलेले श्रम वाया जाऊ शकतात.

तुळ:-(रा,री,रु,रे,तो,ता,ती,तू,ते) अनुकूल ग्रहमान आहे. सातवा चंद्र आणि लाभकारक शुक्र यांच्या संयोगाने आज तुम्हाला श्रेष्ठत्व प्राप्त होईल. नवीन खरेदी होईल. महागड्या वस्तूंची खरेदी होईल. गृहसौख्य लाभेल. तुमची कर्तव्य तुम्ही उत्तमप्रकारे पार पडाल.

वृश्चिक:– (तो,ना,नी,नू, ने,नो,या,यी,यु) आज चांगल्या आणि सज्जन मित्रांचा सहवास लाभणार आहे. आरोग्यप्राप्ती होईल. मन उत्साही राहील आर्थिक लाभ होतील. अष्टम गुरुची तीव्रता आज जर कमी होईल. तरीही प्रवासात काळजी घ्या.

धनु:-(ये,यो,भा,भी,भु,धा,फा,ढा,भे) पंचम चंद्र आहे. आज फारशी अनुकूलता नाही. मात्र आज एखादे मंगलकार्य ठरू शकते. कोर्टात यश मिळेल विशेषतः दिवाणी खटल्यात यश मिळेल. राजसन्मान मिळेल. इच्छुकांना अपत्यप्राप्ती होईल.

मकर:- (भो,जा,जी,खी, खु,खे,खो,गा,गी) चंद्राची अनुकूलता नाही. खर्चात वाढ संभवते. कौटुंबिक त्रास होऊ शकतात. मन अस्वस्थ राहील. नातलगांकडून निराशा होईल. अष्टम शुक्र काही सुखाचे क्षण अनुभवास देईन. अर्थप्राप्ती होईल.

कुंभ:- (गु,गे,गो,सा, सी,सु,से,सो,दा) अष्टम रवीची नाराजी आज प्रामुख्याने जाणवणार आहे. मात्र गुरुची भक्कम साथ लाभणार आहे. विद्या – व्यासंग यात रमून जाल. उत्पन्न वाढेल. आभ्या लाभ होतील. मात्र महिलांसाठी खर्च होईल. गैरसमज टाळा. चिडचिड वाढेल.

मीन:- (दी, दू, झा,ज्ञा,था, दे,दो, चा,ची) मानहानी होण्याची शक्यता आहे. कामात विघ्न येऊ शकते. वस्तूंचा नाश होऊ शकतो. प्रवासात त्रास होऊ शकतो. मात्र शुक्राच्या अनुकूलतेमुळे काही सुखे अनुभवास येतील. मोठ्यांकडून गौरव प्राप्त होईल. इष्टमित्र भेटतील.

(व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. – ज्योतिषी मंगेश पंचाक्षरी, नाशिक. 8087520521)