आजचे राशिभविष्य बुधवार, १७ सप्टेंबर २०२५

ज्योतिषी मंगेश पंचाक्षरी, नाशिक (Marathi Rashi Bhavishya)

भाद्रपद कृष्ण एकादशी. विश्वावसुनाम संवत्सर. शके १९४७, संवत २०८१

राहुकाळ – दुपारी १२.०० ते दुपारी १.३०

“आज उत्तम दिवस आहे” *इंदिरा एकादशी*

नक्षत्र -पुष्य.

आज जन्मलेल्या बाळाची राशी – कर्क. (परीघ योग शांती)

१७ सप्टेंबर रोजी जन्मलेल्या व्यक्तींची वैशिष्ट्ये:-(Marathi Rashi Bhavishya)

तुमच्यावर शनि आणि बुध या ग्रहांचा प्रभाव आहे. तुमचे ध्येय आणि महत्वाकांक्षा उच्च प्रतीच्या आहेत. तुम्हाला चाकोरीबद्ध होणे आवडत नाही. तुम्ही शांतताप्रिय असून उत्कृष्ट संघटक आहात. तुमचे व्यक्तिमत्व प्रभावी आहे. तुम्ही स्वाभिमानी आहात. तुम्हाला गूढ विद्याची आवड आहे. तुमचा संशोधनाकडे ओढा असतो. तुमच्या जीवनात बऱ्याच वेळेला कोणतीही गोष्ट वेळच्यावेळी होत नाही. शिस्त, गांभीर्य, दृढपणा आणि कर्तव्याची जाण तुमच्यामध्ये आहे. तुम्ही अत्यंत विचारी आणि स्थिर वृत्तीचे आहात. तुमचे विचार समतोल असून कोणत्याही प्रश्नाची दुसरी बाजू बघण्याकडे तुमचा कल असतो. तुमच्याबद्दल इतरांचे बरेच गैरसमज होतात. तुम्ही महत्त्वाकांक्षी असून सतत कामात मग्न राहणे तुम्हाला आवडते. तुम्ही धोरणी, हुशार, कार्यशील आणि दुर्बल लोकांबद्दल आदर दाखवणारे आहात. तुम्हाला निसर्ग सौंदर्य, फुले आणि संगीत यांची आवड असते. तुमचे व्यक्तिमत्व प्रसन्न आहे. तुम्ही एक उत्तम व्यवस्थापक असतात आणि इतरांकडून काम करून घेणे तुम्हाला चांगले जमते. तुम्ही न्यायप्रिय आहात मात्र तुम्हाला अनेकदा नैराश्य जाणवते आणि जीवनामध्ये एकाकी वाटते. तुमच्यामध्ये अधिकार, वचक आणि जोम या गोष्टी भरपू

व्यवसाय:- भौतिक, रसायन, वैद्यकीय शास्त्र, गणित, पतपेढी व्यवस्थापक, पॅथॉलॉजी, जिथे तर्कनिष्ठता आणि बुद्धी लागते असे क्षेत्र तसेच वकिली.

शुभ दिवस:- बुधवार, गुरुवार, शनिवार.

शुभ रंग:– निळा, जांभळा, हिरवा, राखाडी.

शुभ रत्न:- इंद्रनील, पाचू लसण्या, अमेथीस्ट.

(रत्ने घेताना कुंडलीचा देखील उपयोग करा)

टीप: नावाप्रमाणेच तुमच्या राशी असतील असे नाही. अधिक माहितीसाठी आमच्या “राशीभाव” या फेसबुक पेजला भेट द्या.

मेष:-(चू,चे,चो,ला,ली,ले,लो,आ) चंद्राचा शनी, हर्षल, नेपच्यून यांच्याशी शुभ योग आहे. चतुर्थ स्थानी चंद्र आहे. एखादी चांगली बातमी येईन. गृह सजावट कराल. आज ध्यानधारणा केल्यास वेगळे गूढ अनुभव येतील. आध्यत्मिक मार्ग मोकळा होईल. दूरचे नातेवाईक भेटतील

वृषभ:- (इ,उ,ए,ओ, वा,वी,वू,वे,वो) तृतीय स्थानी चंद्र आहे. अनुकूल दिवस आहे. आनंदी राहाल. काही वेगळ्या कल्पना सुचतील. आत्मविश्वास वाढेल. अनुकूल शनी आणि नेपच्यून तुमचा प्रगतीचा मार्ग प्रशस्त करतील. शेअर्स मध्ये मात्र नुकसान संभवते.

मिथुन:- (का,की,कु,घ,गं, छा,के,को,हा) द्वितीय चंद्र आहे. नोकरीच्या ठिकाणी चांगले अनुभव येतील. बराच काळ असलेला त्रास कमी होईल. आवडत्या वस्तूसाठी खर्च कराल. पाळीव पशु किंवा भटके कुत्रे इत्यादींपासून सावध रहा.

कर्क:-(हु,हे,हो,डा,डी,डु,डे, डो) तुमच्या राशीत चंद्र आहे. आनंदी कालावधी आहे. नवम शनी तुम्हाला उच्च अनुभूती देतील. सत्संग लाभेल. धार्मिक यात्रा घडतील. अनुकूल हर्षल काही धक्कादायक घटना घडवेल.

सिंह:- (मा,मी,मू,मे,मो,टा, टी, टू, टे) व्यय स्थानी चंद्र आहे. संमिश्र दिवस आहे. आर्थिक आवक वाढणार आहे. कामाच्या ठिकाणी मोठी उलाढाल होईल. मात्र उधारी वाढेल. राजकीय क्षेत्रात संयम ठेवावा लागेल. सामाजिक कार्यात रस निर्माण होईल. बोलताना काळजी घ्या.

कन्या:- (टो, पा,पी,पू,षा णा,ठा,पे,पो) चंद्र अनुकूल आहे. प्रसन्न ग्रहमान आहे. नाटक – सिनेमा यात रुची निर्माण होईल. जोडीदारासोबत एखादा कार्यक्रम किंवा छोटी सहल ठरेल. मात्र त्यात थोडेसे मतभेद संभवतात. गूढ उलगडतील. अभ्यास करण्यास चांगला कालावधी आहे.

तुळ:-(रा,री,रु,रे,तो,ता,ती,तू,ते) अनुकूल ग्रहमान आहे. तुमचा स्वभाव शांत आणि सखोल अभ्यास करणारा आहे. तुम्ही न्यायी आहात. आज तुम्हाला संशोधनात आनंद वाटेल. नोकरीत अधिक काम करावेसे वाटेल. संकटे दूर होतील. भीती कमी होईल.

वृश्चिक:- (तो,ना,नी,नू, ने,नो,या,यी,यु) अनुकूल ग्रहमान आहे. नवम स्थानी चंद्र आहे. आध्यत्मिक लाभ होतील. धर्म कार्य कराल. सप्तम हर्षल तुमच्या नियमित कामात हस्तक्षेप करेल. नियोजन बदलेल. चाकोरी बाहेरील कामे कराल.

धनु:-(ये,यो,भा,भी,भु,धा,फा,ढा,भे) संमिश्र ग्रहमान आहे. अष्टम स्थानी चंद्र आहे. मोह आणि माया वाढवणारा दिवस आहे. मात्र नैतिक मार्ग सोडू नका. कामातील सातत्य ठेवा. मन शांत ठेवा. काही सुखद घटना घडतील. कामानिमित्त भ्रमंती घडेल मात्र त्यात काळजी घ्या.

मकर:- (भो,जा,जी,खी, खु,खे,खो,गा,गी) सप्तम स्थानी चंद्र आहे. आज तुमचे अर्थविषयक अंदाज अचूक येणार आहेत. शेअर्स मध्ये नशीब अजमावून बघा. लेखन, प्रकाशन यातून नावलौकिक वाढेल. आज तुम्हाला जो उपदेश मिळेल तो दीर्घकाळ लाभ करून देईन.

कुंभ:- (गु,गे,गो,सा, सी,सु,से,सो,दा) षष्ठ स्थानी चंद्र आहे. आज तुमच्या हातून एखादे उग्र कार्य घडू शकते. क्रोधावर नियंत्रण ठेवले पाहिजे. सामाजिक कार्यासाठी वेळ दयावा लागेल. वाहन जपून चालवा. पशूंपासून काळजी घ्या.

मीन:- (दी, दू, झा,ज्ञा,था, दे,दो, चा,ची) पंचम स्थानी चंद्र आहे. मन आनंदित करणारा दिवस आहे. प्रशंसा होईल. धाडसी निर्णय घ्याल. तत्वाने वागण्याचा प्रयत्न कराल. तुम्ही न्याय कराल. काही बाबतीत आज तुम्ही भ्रमित व्हाल. आज चोरीचे भय आहे.

(व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. – ज्योतिषी मंगेश पंचाक्षरी, नाशिक. 8087520521)