नाशिक- राज्यात किराणा दुकान आणि सुपर मार्केटमध्ये वाईन विक्रीसाठी उपलब्ध करून देण्याचा निर्णय राज्य सरकार तर्फे घेण्यात आला. या निर्णयाच्या विरोधात प्रदेश सरचिटणीस आ.प्रा.देवयानी फरांदे व आमदार सीमा हिरे यांच्या मार्गदर्शनाखाली भारतीय जनता पार्टी महिला मोर्चातर्फे तीव्र आंदोलन करण्यात आले.
राज्य सरकारच्या विरोधात घोषणाबाजी करून, वाईन रस्त्यावर ओतून या निर्णयाचा तीव्र निषेध व्यक्त करण्यात आला व त्यानंतर जिल्हाधिकाऱ्यांना निवेदन देण्यात आले. त्याचबरोबर या निर्णयाला विरोध या आशयाची पत्रे महिलांनी स्वहस्ताक्षरात लिहून ते महाराष्ट्र महिला आयोगाच्या अध्यक्षा रुपाली चाकणकर यांना पाठवली.
यावेळी महिला मोर्चा प्रदेश उपाध्यक्षा संध्या कुलकर्णी, महिला मोर्चा प्रदेश चिटणीस रोहिणी नायडू, महिला मोर्चा प्रदेश कार्यकारणी सदस्य सोनाली कुलकर्णी, माधुरी पढार, स्मिता मुठे, महिला मोर्चा शहर अध्यक्षा हिमगौरी आडके-आहेर, सरचिटणीस पूर्वा सावजी, रश्मी हिरे, शिल्पा पारनेरकर, नगरसेविका छाया देवांग, शाहीन मिर्झा, वर्षा भालेराव, सर्व महिला शहर पदाधिकारी, सर्व महिला मोर्चा मंडल अध्यक्षा, महिला मोर्चा मंडल पदाधिकारी आदी उपस्थित होते
