अपर्णा मारावार यांच्या पुस्तकाचे आज प्रकाशन

नाशिक, दि. १२ ऑक्टोबर २०२५ – Nashik Events नाशिकच्या साहित्यविश्वात आणखी एक सुंदर पर्व लिहिले जाणार आहे. लेखिका अपर्णा मारावार यांच्या नवीन पुस्तकाचा प्रकाशन सोहळा आज रविवार, १२ ऑक्टोबर २०२५ रोजी सायंकाळी ४.३० वाजता Enrise by Sayaji, इंदिरानगर जॉगिंग ट्रॅकसमोर, नाशिक येथे पार पडणार आहे.

या कार्यक्रमाला साहित्य क्षेत्रातील मान्यवर उपस्थित राहणार असून, कविवर्य प्रा. अशोक बागवे हे प्रमुख पाहुणे म्हणून उपस्थित राहतील. तसेच, कवी श्री. सतीश सोळांकूरकर आणि पं. अविराज तायडे हे विशेष अतिथी मान्यवर म्हणून उपस्थित राहणार आहेत.

अपर्णा मारावार या गेल्या काही वर्षांत संवेदनशील लेखनशैलीसाठी ओळखल्या जातात. त्यांच्या लेखनात जीवनातील नातेसंबंध, स्त्रीचे अंतरंग, आणि समाजातील बदलत्या मूल्यांचा विचारपूर्वक वेध घेतलेला असतो. त्यामुळे त्यांच्या नव्या पुस्तकाबद्दल साहित्यप्रेमींमध्ये उत्सुकता निर्माण झाली आहे.

Nashik Events या कार्यक्रमाच्या निमित्ताने नाशिकच्या साहित्यवर्तुळात उत्सुकता आणि आनंदाचे वातावरण निर्माण झाले आहे. अनेक लेखक, कवी, वाचक आणि साहित्यप्रेमी या सोहळ्यास उपस्थित राहणार असल्याची माहिती आयोजकांनी दिली.

साहित्य हे मनाला जोडणारे माध्यम असल्याचे मानणाऱ्या अपर्णा मारावार यांच्या या नव्या साहित्यकृतीत जीवनाचे विविध पैलू उलगडत जात आहे. या कार्यक्रमाला उपस्थित राहावे असे आवाहन आयोजकांनी केले आहे.