नाशिक,दि.२५ सप्टेंबर २०२३ – काँग्रेसचे ज्येष्ठ नेते अखिल भारतीय नामदेव समाजोन्नती परिषदचे अध्यक्ष व तुपसाखरे लॉन्स चे संचालक तसेच प्रसिद्ध बांधकाम व्यवसायिक युवक कांग्रेसचे माजी जिल्हाध्यक्ष, माजी नगरसेवक संजीव विष्णुपंत तुपसाखरे यांचे आज पहाटे ४.५५ वाजता हृदयविकाराने निधन झाले .ते ६७ वर्षांचे होते.
त्यांचा पार्थिवदेह दुपारी २ ते ४ या वेळात मुंबई नाक्याजवळील तुपसाखरे लॉन्स येथे अंतिम दर्शानासाठी येथे ठेवण्यात येणार आहे.दुपारी ४ वाजता त्यांच्यावर नाशिक येथील अमरधाम मध्ये अंत्यसंस्कार करण्यात येणार आहे.त्यांच्या निधनाने सर्वत्र हळहळ व्यक्त करण्यात येत आहे.
श्रद्धांजली
अखिल भारतीय नामदेव समाजोन्नती परिषदेचे अध्यक्ष, युवक काँग्रेसचे माजी नाशिक जिल्हाध्यक्ष आणि माजी नगरसेवक संजीव तुपसाखरे यांच्या निधनाची वार्ता दुःखद आहे. त्यांना भावपूर्ण श्रद्धांजली! त्यांच्या निधनाने एक मनमिळाऊ व्यक्तिमत्व काळाच्या पडद्याआड गेले आहे. त्यांच्या कुटुंबियांच्या दुःखात मी सहभागी आहे. त्यांना या दुःखातून सावरण्याचे बळ मिळो आणि मृतात्म्यास सद्गती लाभो, हीच ईश्वरचरणी प्रार्थना!
भावपूर्ण श्रद्धांजली !
छगन भुजबळ,
मंत्री, अन्न, नागरी पुरवठा व ग्राहक संरक्षण, महाराष्ट्र राज्य
