नाशिक, दि. २६ नोव्हेंबर २०२५ – Nashik plastic-free event प्लास्टिकमुक्त आणि आरोग्यपूर्ण भविष्याची हाक देत Creative Kuteer आणि Rainbow Foundation तर्फे नाशिकमध्ये एक अनोखी ‘Klean-Yug Barefoot Walk’ मोहीम आयोजित करण्यात आली आहे. महात्मा नगर ग्राउंड येथे ३० नोव्हेंबर रोजी सकाळी ६:३० वाजता सुरू होणारा हा वॉक पर्यावरण जागृतीचा महत्त्वपूर्ण उपक्रम ठरणार आहे.
या अनोख्या barefoot walk द्वारे नागरिकांना पृथ्वीशी पुन्हा जोडण्याचा संदेश देण्यात येणार असून, निसर्गाच्या संरक्षणासाठी प्रत्येकाने दैनंदिन जीवनशैलीत छोटे पण सकारात्मक बदल करण्याची प्रेरणा मिळणार आहे. अनवाणी चालण्याची ही संकल्पना शरीरातील ऊर्जा वाढवते, मानसिक आरोग्य सुधारते आणि नैसर्गिक संतुलनाशी नाते अधिक घट्ट करते, असा आयोजकांचा विश्वास आहे.
(Nashik plastic-free event ) वॉक दरम्यान पर्यावरणपूरक आणि पुनर्वापर करता येणाऱ्या वस्तूंचे इको-फ्रेंडली स्टॉल्स उभारण्यात येणार आहेत. येथे handmade items, recycled products, आणि single-use plastic चे पर्याय लोकांसाठी प्रदर्शित केले जातील. यामुळे नागरिकांना पर्यावरणपूरक जीवनशैलीबद्दल नव्या संधी आणि पर्यायांची माहिती सहज उपलब्ध होणार आहे.
कार्यक्रम आकर्षक आणि प्रभावी बनवण्यासाठी स्ट्रीट प्ले, क्रिएटिव्ह परफॉर्मन्सेस आणि इंटरॅक्टिव्ह अ‍ॅक्टिव्हिटीज यांचा समावेश करण्यात आला आहे. या सादरीकरणांमधून प्लास्टिकमुक्त जीवनाचा संदेश मनोरंजनासह जनमानसात रुजवण्याचा प्रयत्न केला जाणार आहे.
या उपक्रमाबाबत बोलताना Creative Kuteer आणि Rainbow Foundation यांच्या शितल सोनवणे-उगले, विक्रम उगले , दिग्विजय वाघ आणि सचिन कोळपकर यांनी सांगितले की,“हा वॉक म्हणजे केवळ एक कार्यक्रम नाही, तर स्वच्छ रस्ते, निरोगी जीवनशैली आणि हरित नाशिक घडविण्याकडे टाकलेले एक प्रेरणादायी पाऊल आहे. समाजातील प्रत्येक व्यक्तीने प्लास्टिक कमी करण्यासाठी आणि शाश्वत भविष्य घडवण्यासाठी पुढे येणे अत्यंत गरजेचे आहे.”नाशिककरांनी मोठ्या संख्येने सहभागी होऊन शहराला प्लास्टिकमुक्त करण्याच्या या मोहिमेत हातभार लावावा, असे आवाहन आयोजकांनी केले आहे.
