.. आता ‘या’ देशात अविवाहित महिलांना विमान प्रवासावर बंदी
काबूल – अफगाणिस्तानात सत्ता हाती घेतल्यानंतर, त्यांच्या महिला विरोधी भूमिकेसाठी कुप्रसिद्ध असलेल्या तालिबानने महिलांना देशातून ये-जा करणाऱ्या विमानांमध्ये एकट्याने प्रवास करण्यास बंदी घातली आहे.काबूल आंतरराष्ट्रीय विमानतळावर पोहोचलेल्या डझनभर महिलांना सांगण्यात आले की त्यांना पुरुष पालकाशिवाय प्रवास करता येणार नाही.
शुक्रवारी काबूल आंतरराष्ट्रीय विमानतळावर आलेल्या डझनभर महिलांना सांगण्यात आले की ते पुरुष पालकाशिवाय प्रवास करू शकत नाहीत,असे दोन अफगाण एअरलाइन्स अधिकाऱ्यांनी नाव न सांगण्याच्या अटीवर सांगितले. यापैकी अनेक महिलांकडे दुहेरी नागरिकत्व आहे आणि त्या कॅनडासह परदेशात त्यांच्या घरी परतत होत्या.
कॅम एअर आणि अफगाण मालकीच्या एरियाना एअरलाइन्सवरील अविवाहित महिलांना इस्लामाबाद, दुबई आणि तुर्कीमध्ये प्रवास करण्याची परवानगी नव्हती. तालिबानच्या नेतृत्वाकडून हा आदेश आल्याचे एका अधिकाऱ्याने सांगितले. पश्चिम हेरात प्रांतात बऱ्याच संघर्षानंतर काही महिलांना एरियाना एअरलाइन्सच्या विमानात बसण्याची परवानगी मिळाली, पण तोपर्यंत विमानाने उड्डाण घेतले होते.
विमानतळाचे अध्यक्ष आणि पोलिस प्रमुख यांनी या मुद्द्यावर एअरलाइन अधिकार्‍यांशी बैठक घेऊन.पुरुष नातेवाईकांना न घेता ७२ किलोमीटरहून अधिक प्रवास करणाऱ्या महिलांवर तालिबानने काही महिन्यांपूर्वी घातलेल्या बंदीतून हवाई प्रवास वगळला जाईल की नाही हे स्पष्ट नाही.
