आज पंजाब-मुंबईमध्ये फायनलसाठी थरारक टक्कर! कोण झळकवणार अंतिम फेरीत हजेरी?

नवी दिल्ली | ३१ मे २०२५ –PBKS vsMI IPL 2025 आयपीएल २०२५ च्या क्वालिफायर २ मध्ये पंजाब किंग्स (PBKS) आणि मुंबई इंडियन्स (MI) यांच्यात १ जून रोजी थरारक लढत रंगणार आहे. नरेंद्र मोदी स्टेडियम, अहमदाबाद येथे सायंकाळी ७.३० वाजता सुरू होणाऱ्या या सामन्याकडे क्रिकेटप्रेमींचे लक्ष लागून राहिले आहे.

🏏 इतिहासाची झलक:

आत्तापर्यंत दोन्ही संघांनी एकमेकांविरुद्ध ३२ सामने खेळले असून, त्यात मुंबईने १७ व पंजाबने १५ विजय मिळवले आहेत. यंदा IPL 2025 मध्ये दोघांनी एकेक सामना जिंकला आहे.

🔥 पंजाब किंग्सवर दबाव, सुधारणा गरजेची  (PBKS vs MI IPL 2025)

गेल्या सामन्यात अवघ्या १०१ धावांत गारद झालेल्या पंजाबला या सामन्यात दमदार पुनरागमन करावे लागेल. कर्णधार श्रेयस अय्यर व कोच रिकी पाँटिंग यांच्यावर संघाला मानसिकदृष्ट्या तयार करण्याची जबाबदारी आहे. अर्शदीपसारख्या मुख्य गोलंदाजावर अधिक दडपण असणार आहे, कारण चहल व मार्को यानसेन अनुपस्थित आहेत.

🌟 मुंबई इंडियन्सचा आत्मविश्वास गगनात

हार्दिक पांड्या, रोहित शर्मा, बुमराह, सूर्यकुमार यादव व तिलक वर्मा यांची शानदार फॉर्म ही मुंबईसाठी विजयाची गुरुकिल्ली ठरू शकते. नॉकआउट मॅचचा अनुभव आणि सामर्थ्यशाली बेंच स्ट्रेंथ हे मुंबईचे बलस्थान आहे.

🔍 PBKS vs MI टीम मधील संभाव्य खेळाडू

✅ पंजाब किंग्स (PBKS):
प्रियांश आर्या, प्रभसिमरन सिंह, जोश इंग्लिस (wk), श्रेयस अय्यर (c), नेहाल वढेरा, शशांक सिंह, मार्कस स्टोइनिस, अजमातुल्ला ओमरजई, हरप्रीत बरार, काइल जैमीसन, अर्शदीप सिंह.

✅ मुंबई इंडियन्स (MI):
जॉनी बेयरस्टो (wk), रोहित शर्मा, सूर्यकुमार यादव, तिलक वर्मा, हार्दिक पांड्या (c), नमन धीर, मिचेल सैंटनर, राज बावा, ट्रेंट बोल्ट, जसप्रीत बुमराह, रिचर्ड ग्लीसन.

🏆 Final Ticket कुणाच्या नावावर?

पंजाबला जर फलंदाजीत सुधारणा करता आली, तर मुंबईला धक्का देणे शक्य आहे. अन्यथा, अनुभवी मुंबई इंडियन्स फायनलमध्ये आपली जागा निश्चित करू शकते.

आता पाहावे लागेल –”अहमदाबादमध्ये कोण गर्जना करेल?”