🔴 पत्नीनेच केला पतीचा खून? मधुचंद्र ठरला मृत्यूचा प्रवास!

📍 इंदूर / शिलॉंग | ९ जून २०२५ – Raja Raghuwanshi Murder Case इंदूरच्या ट्रान्सपोर्ट व्यावसायिक राजा रघुवंशी हत्या प्रकरणात धक्कादायक वळण! पतीसोबत मधुचंद्रासाठी शिलॉंगला गेलेली पत्नी सोनम रघुवंशी हिनेच राजा याचा काटा काढल्याचा पोलिसांचा संशय आता तपासात सिद्ध होऊ लागला आहे.

🕵️‍♂️ हत्या की पूर्वनियोजित कट?
मेघालयमधील खोल दरीत २ जून रोजी राजाचा मृतदेह सापडला. त्यानंतर सोनम रघुवंशी १५ दिवसांपासून बेपत्ता होती. अखेर तिने उत्तर प्रदेशातील गाझीपूर येथील नंदगंज पोलिस ठाण्यात आत्मसमर्पण केलं.

👥 प्रेमसंबंधातून घडलेलं कारस्थान!(Raja Raghuwanshi Murder Case)
सोनमचे तिच्याच फॅक्टरीत काम करणाऱ्या राज कुशवाह नावाच्या मॅनेजरसोबत घनिष्ठ संबंध होते. ही फॅक्टरी तिच्या वडिलांची मालकीची आहे. राज कुशवाह आणि सोनमच्या प्लॅननुसार सुपारी किलर विक्की ठाकूर आणि आनंद यांच्या मदतीने राजा रघुवंशीची हत्या करण्यात आली.

📞 तांत्रिक पुरावे आणि कॉल रेकॉर्डमुळे खुलासा
राज कुशवाह सतत सोनमच्या संपर्कात होता. पोलिसांनी कॉल डिटेल रेकॉर्डच्या (CDR) आधारे त्याचा लोकेशन ट्रेस करून अटक केली.

🚨 अटक केलेले आरोपी :

राज कुशवाह – मास्टरमाइंड, सोनमचा प्रियकर
विक्की ठाकूर – सुपारी किलर
आनंद – पहिला हल्ला करणारा

✈️ परतीचं तिकीट नव्हतं बुक!
मेघालयच्या प्रवासासाठी सोनमने एकतर्फी तिकीट बुक केलं होतं. परतीचं तिकीट नसल्यामुळे हत्येचं पूर्वनियोजन झालं होतं, असा पोलिसांचा कयास आहे.

👩‍👦 कुटुंबीयांचे आरोप आणि दु:ख
राजाच्या आई उमा रघुवंशी यांनी सांगितले की, “राजा सोनमवर प्रेम करत होता, पण ती सतत टाळाटाळ करत होती.” एकदा तर सोनमच्या आईने त्यांना सिनेमाला जाण्यापासून रोखले होते.

🔎 पुढील तपास सुरुच…
पोलिसांच्या मते या प्रकरणात अजून काही आरोपींना अटक होऊ शकते. तांत्रिक आणि भौतिक पुरावे एकत्र करून गुन्ह्याचा संपूर्ण उलगडा करण्याचे प्रयत्न सुरु आहेत.

#WATCH | Indore, Madhya Pradesh: Shillong police gets 7 days transit remand of three accused- Akash Rajput, Vishal Singh Chauhan and Raj Singh Kushwaha in Raja Raghuvanshi murder case

Additional DCP (Crime) Rajesh Dandotiya says, “They were presented before the CJM Judge, and… pic.twitter.com/fjnUFP9cDI

— ANI (@ANI) June 9, 2025