मुंबई, दि. १९ जून २०२५ — Vivek Lagoo Passes Away मराठी रंगभूमी आणि चित्रपट सृष्टीतील ज्येष्ठ, संवेदनशील अभिनेते विवेक लागू (Vivek Lagoo) यांचे आज सायंकाळी ६.३० वाजता निधन झाले. वयाच्या उत्तरार्धात त्यांनी अखेरचा श्वास घेतला. त्यांच्या निधनाने संपूर्ण मराठी मनोरंजन विश्वावर शोककळा पसरली असून, एक हसरे, सजग आणि प्रभावी व्यक्तिमत्त्व हरपल्याची भावना सर्वत्र आहे.
२० जून रोजी सकाळी ११ वाजता, मुंबईतील ओशिवरा स्मशानभूमीत त्यांच्या पार्थिवावर अंत्यसंस्कार करण्यात येणार आहेत.
रिमा लागूंचे माजी पती, मृण्मयी लागूचे वडील(Vivek Lagoo Passes Away)
विवेक लागू हे दिवंगत ज्येष्ठ अभिनेत्री रिमा लागू यांचे माजी पती होते. त्यांचे विवाहपूर्व नाव नयन बडबडे होते. १९७८ साली विवेक-रिमांचा विवाह झाला होता. काही वर्षांनी त्यांनी विभक्त होण्याचा निर्णय घेतला, मात्र त्यांच्यात सलोख्याचे नाते कायम राहिले.
त्यांची कन्या मृण्मयी लागू वायकुळ हिने लेखिका म्हणून बॉलिवूडमध्ये आपली स्वतंत्र ओळख निर्माण केली आहे. ‘थप्पड’, ‘स्कूप’ यांसारख्या प्रोजेक्ट्समुळे तिने आपली कारकीर्द उजळवली.
कलाविश्वातील ठसा आणि आठवणी
विवेक लागू यांनी टीव्ही चित्रपट ‘गोदावरीने काय केले’ (2008), ‘अग्ली’ (2013), ‘व्हॉट अबाउट सावरकर’ (2015), ‘31 दिवस’ (2018) अशा अनेक चित्रपटांमध्ये महत्त्वाच्या भूमिका साकारल्या.
‘चार दिवस सासूचे’, ‘हे मन बावरे’ या मालिका विशेष गाजल्या. त्यांचे सोज्वळ अभिनय, हळवे भावविश्व आणि विनोदी अंग प्रेक्षकांच्या मनात कायमचे कोरले गेले आहेत.
राजकीय व सांस्कृतिक क्षेत्रात शोक
मंत्री आशिष शेलार यांनी एक्स पोस्टद्वारे श्रद्धांजली वाहताना म्हटलं,
“मराठी रंगभूमीने एक सजग, संवेदनशील आणि रसिकप्रिय कलाकार गमावला आहे. त्यांचे सशक्त अभिनय सादरीकरण सदैव स्मरणात राहील. त्यांच्या आत्म्यास शांती लाभो.”
विवेक लागू यांचे निधन – समाजासाठी एक मोठा तोटा
त्यांच्या जाण्याने फक्त एक कलाकार नव्हे, तर एक माणूसपणाची जाणीव जपणारा संवेदनशील व्यक्ती हरपली आहे. त्यांच्या योगदानाची आठवण मराठी कला क्षेत्र सदैव ठेवेल.
*भावपूर्ण श्रद्धांजली!*
अभिनेते विवेक लागू यांच्या निधनाची बातमी अत्यंत दुःखद आहे. त्यांच्या जाण्याने मराठी रंगभूमी आणि चित्रपटसृष्टीने एक हसरे, सजग आणि संवेदनशील व्यक्तिमत्त्व गमावले आहे. त्यांची रंगभूमीवरील सशक्त सादरीकरणशैली, दूरदर्शनवरील सोज्वळ आणि मनाला भिडणाऱ्या भूमिका,… pic.twitter.com/A2hBUUIk3y— Adv. Ashish Shelar – ॲड. आशिष शेलार (@ShelarAshish) June 19, 2025
