इराणचा इस्रायलवर जोरदार प्रतिहल्ला,मोसादच्या मुख्यालयावर बेलिस्टिक क्षेपणास्त्र हल्ला

📍 तेल अविव, १७ जून २०२५- Iran Israel War इस्रायल आणि इराणमधील संघर्ष दिवसेंदिवस गंभीर होत चालला आहे. आता या युद्धाचे स्वरूप अधिकच आक्रमक झाले असून, इराणने इस्रायलच्या गुप्तचर संस्था मोसादच्या मुख्यालयावर थेट बेलिस्टिक क्षेपणास्त्राने हल्ला केला आहे. तेल अविव येथील या मुख्यालयावर मंगळवारी हा हल्ला झाला, ज्याचा व्हिडिओ सध्या सोशल मीडियावर प्रचंड व्हायरल होत आहे.

🏢 लष्करी गुप्तचर संस्थेवरही हल्ला (Iran Israel War)
मोसाद मुख्यालयासोबतच ‘अमान’ या लष्करी गुप्तचर संस्थेच्या इमारतीलाही लक्ष्य करण्यात आले. या हल्ल्यांमुळे इस्रायली गुप्तचर यंत्रणेचे प्रचंड नुकसान झाल्याचे सांगण्यात येत आहे.

JUST IN: 🇮🇷🇮🇱 Iran targets Israeli Mossad intelligence building in ballistic missile strike. pic.twitter.com/JvH0GXdBg4

— BRICS News (@BRICSinfo) June 17, 2025

🌍 मध्यपूर्वेतील राजकीय तापमान वाढले
इस्रायलने इराणच्या अणुशास्त्र प्रकल्पांवर हल्ला केल्यानंतर हे युद्ध भडकले आहे. इराणने आता इस्रायलच्या संरक्षण व परराष्ट्र मंत्रालयावरही क्षेपणास्त्र हल्ले करून मोठे नुकसान घडवून आणले आहे. गुरियन विमानतळ आणि अनेक लष्करी तळ उद्ध्वस्त करण्यात आले आहेत.

☠️ मोसाद मुख्यालय कोसळले – इमारत पत्त्यांसारखी जमीनदोस्त
इराणच्या मिसाईल हल्ल्यात मोसाद मुख्यालयाची इमारत अक्षरशः पत्त्यांच्या बंगल्यासारखी कोसळल्याचे दृश्य समोर आले आहे. हे इमारत उद्ध्वस्त झाल्याचा व्हिडिओ सोशल मीडियावर व्हायरल झाला असून, त्यावर लोक विविध प्रतिक्रिया देत आहेत.

🔥 इस्रायलचा अणुस्थळांवरील हल्ला – उगम
युद्धाची सुरुवात इस्रायलच्या हल्ल्याने झाली होती. तेहरानमधील अणुस्थळांवर इस्रायली एअर स्ट्राईक करण्यात आला. यात इराणचे उच्च लष्करी अधिकारी मेजर जनरल अली शादमानी यांचा मृत्यू झाला. काही दिवसांपूर्वीच त्यांनी खातम-अल-अंबिया मुख्यालयाची सूत्रे स्वीकारली होती. या हल्ल्यात शेकडो नागरिकांचा मृत्यू झाला तर १२०० पेक्षा अधिक नागरिक जखमी झाले.

📉 युद्धातील मृत्यू आणि जखमींची आकडेवारी
इराणमध्ये:
▪️ २२४ नागरिक ठार
▪️ १,४८१ जखमी

इस्रायलमध्ये:
▪️ २४ जण ठार
▪️ ६०० हून अधिक जखमी

🌐 जगभरातील चिंता – अमेरिका वगळता सर्वत्र युद्धविरोध
इराण-इस्रायल युद्धाचा परिणाम संपूर्ण जगावर जाणवू लागला आहे. अमेरिका सोडल्यास अनेक राष्ट्रांनी या युद्धाचा विरोध केला आहे. मात्र इस्रायल आपली युद्धभूमिका अजूनही बदलण्यास तयार नाही. इराणचा स्पष्ट इशारा आहे – “जोपर्यंत इस्रायल हल्ले थांबवत नाही, तोपर्यंत आमचाही प्रतिहल्ला सुरुच राहील.”