इराण – इस्त्रायलमध्ये अखेर युद्धबंदी; ट्रम्प म्हणाले “बारा दिवसांचे युद्ध संपले!”

तेहरान / तेल अवीव | २४ जून २०२५ –Donald Trump Tweet तब्बल १२ दिवसांच्या भीषण संघर्षानंतर अखेर इराण आणि इस्त्रायलमध्ये युद्धबंदी जाहीर करण्यात आली आहे. अमेरिकेचे राष्ट्राध्यक्ष डोनाल्ड ट्रम्प यांनी या युद्धविरामाची ट्विट करून घोषणा केली असून, दोन्ही देशांनी यावर सहमती दर्शवली आहे.

ट्रम्प यांनी आपल्या ट्विटमध्ये या संघर्षाला “Twelve Days War” (बारा दिवसांचे युद्ध) असं संबोधत इराण आणि इस्त्रायलच्या धैर्य, लवचिकता आणि बुद्धिमत्तेचे कौतुक केलं. ते पुढे म्हणाले की, “हे युद्ध आता थांबवण्यात आले आहे. कोणतंही उल्लंघन बेकायदेशीर ठरेल.”

दरम्यान, इराणनेही अधिकृत निवेदनाद्वारे युद्धबंदी मान्य केल्याचं स्पष्ट केलं आहे. या युद्धात इस्त्रायलवर इराणचे क्षेपणास्त्र हल्ले, तर दुसरीकडे इस्त्रायलच्या वायुदलाचे प्रत्युत्तर, यामुळे दोन्ही देशांना मोठे नुकसान सहन करावे लागले.

या संघर्षात अमेरिकेने उडी घेत इराणच्या तीन अणु प्रकल्पांवर हल्ला केला होता, त्यामुळे परिस्थिती आणखी गंभीर झाली होती. मात्र आता जागतिक दबाव आणि मध्यस्थीमुळे युद्ध थांबवले गेले असल्याचं संकेत मिळत आहेत.

🟠 महत्वाचे मुद्दे: (Donald Trump Tweet)

ट्रम्प यांचं युद्धविरामावरील ट्विट
इराण-इस्त्रायलमध्ये १२ दिवसांचं युद्ध
अमेरिका देखील संघर्षात सहभागी
मोठ्या प्रमाणात जीवित आणि वित्तहानी
अधिकृत युद्धबंदीची घोषणा

 

“CONGRATULATIONS TO EVERYONE! It has been fully agreed by and between Israel and Iran that there will be a Complete and Total CEASEFIRE…” –President Donald J. Trump pic.twitter.com/hLTBT34KnG

— The White House (@WhiteHouse) June 23, 2025