पुन्हा लॉकडाऊन पेक्षा नागरिकांनी सतर्क राहून संभाव्य लाट थोपवावी : छगन भुजबळ

नेमके कोविड संसर्गाचा दृष्टीने संवेदनशील क्षेत्रात कोठून नागरिक जात आहेत अथवा कोणत्या कारणासाठी जात आहेत याची व्यवस्थित शहानिशा करून, योग्य प्रकारे हॉटस्पॉट ठरवून त्या हॉटस्पॉट कडे विशेष लक्ष केंद्रित करणेगरजेचे आहे, हे तत्त्व लक्षात ठेवून कोविडचा अधिक प्रभाव असलेल्या जिल्ह्यांना लागून असलेल्या तालुक्यांमधील नागरिकांच्याआवागमनाची ठिकाणे प्रशासनाकडून निश्चित करण्यात येत आहेत. त्यांची पडताळणी करून संबंधित तालुका प्रशासनाशी समन्वय साधून कोविड नियमांचे पालन करण्याबाबत त्या त्या आस्थापना चालकांना लेखी कळविण्यात येणार आहे. बाधित क्षेत्रातून आपल्याकडील तालुक्यांमध्ये येत असलेले नागरिक सुद्धा नेमके कोणत्या ठिकाणी अधिक प्रमाणात येत आहेत ते हॉटस्पॉट निश्चित करून त्या ठिकाणी देखील प्रतिबंधात्मक सर्व काळजी घेतली जात असल्याची खात्री करण्यात येणार आहे सर्व आस्थापनाकडून कोरोना प्रतिबंधासाठी सर्व उपाययोजनांची अंमलबजावणी करत असल्याबाबतचे प्रमाणपत्र घेण्यात येणार आहे..  

गाव-पाड्यांवर रूग्णवाहिकांमधून लसीकरण करण्यात यावे : विधानसभा उपाध्यक्ष नरहरी झिरवाळ

आठवडे बाजार सुरू करण्याचा प्रस्ताव राज्य प्राधिकरणाला पाठवणार :जिल्हाधिकारी सूरज मांढरे

जिल्हा सामान्य रूग्णालयात 13 रूग्णवाहिकांचे झाले लोकार्पण

बैठकीनंतर जिल्हा सामान्य रूग्णालयात पालकमंत्री छगन भुजबळ यांच्या शुभहस्ते 13 रूग्णवाहिकांचे लोकार्पण करण्यात आले. त्यातील 6 आश्रमशाळातील फिरत्या पथकातील असून उर्वरित 7 नियमित रूग्णवाहिका असल्याची माहिती जिल्हा शल्य चिकित्सक डॉ. अशोक थोरात यांनी दिली. यावेळी अतिरिक्त जिल्हा चिकित्सक डॉ. किशोरप्रसाद श्रीवास ,वैद्यकीय अधिकारी डॉ. उत्कर्ष दुधेडिया आदी उपस्थित होते.