१० महिन्यांच्या बाळाला सोडून बीएसएफमध्ये दाखल झाली ही रणरागिणी

कोल्हापूर- अनेक महिन्यांसाठी आपल्या काळजाच्या तुकड्यापासून लांब जाणाऱ्या मातेचे दुःख खूप मोठे होते.कोल्हापूरच्या वर्षाराणी पाटील यांचा एक व्हिडीओ सध्या सोशल मीडियावर प्रचंड व्हायरल झाला आहे.ड्युटीवर परतणारे जवान आपण अनेकदा सिनेमांमधून पाहिले आहेत. मात्र या व्हिडिओमध्ये आई जवानाचे रुप मनाला चांगलेच स्पर्षून जाते. बीएसएफमध्ये सेवा बजावत असलेल्या वर्षाराणी यांना त्यांच्या १० महिन्याच्या बाळाला सोडून नोकरीवर रुजू व्हावे लागत आहे. मुलाला व कुटुंबियांना सोडून रेल्वेने नोकरीच्या ठिकाणी जाताना त्या भावूक झाल्या. त्यांच्या कुटुंबियांचा व त्यांचा तो भावूक क्षण सोशल मीडियावर व्हायरल झाला आहे.

आज आपल्याला प्रत्येक क्षेत्रात महिला दिसतात. संरक्षण क्षेत्रातही महिलांनी आपला ठसा उमटवला आहे. भारतीय सीमासुरक्षा दलात ‘बीएसएफ’मध्ये जवान असलेल्या कोल्हापूरच्या वर्षा पाटील यांचा एक व्हिडीओ सध्या व्हायरल झाला आहे. आपल्या दहा महिन्यांच्या बाळाला सोडून सीमेवर जाणाऱ्या या आईने पाहणाऱ्या प्रत्येकाच्या डोळ्यात पाणी आणले.बाळाला आणि कुटुंबियांना सोडून जाताना वर्षा पाटील यांना आपल्या भावना अनावर झाल्या होत्या. त्या यावेळी धाय मोकलून रडत असल्याचे दिसून आले. मात्र एक आई असतानाही त्यांनी सर्वप्रथम भारतमातेच्या सुरक्षेला प्राधान्य देत लेकीचे कर्तव्य निभावले. त्यांचे सोशल मीडियात मोठे कौतुक होत आहे.

कोल्हापूर जिल्ह्यातील दऱ्याचे वडगाव येथील वर्षा पाटील या भारतीय सीमासुरक्षा दलात बीएसएफमध्ये जवान आहेत. आपली वैद्यकीय सुट्टी संपवून त्या पुन्हा कर्तव्यावर रुजू होण्यासाठी निघाल्या होत्या. आपल्या दहा महिन्याच्या बाळाला घरी सोडून त्या जात होत्या. कुटुंबीयांकडून दिला जाणारा निरोपाचा सोहळा प्रत्येकाला गलबलून टाकतो.कोल्हापूरच्या वर्षा पाटील यांनी दिले कर्तव्याला प्राधान्य

निशब्द..!
आपल्या 10 महिन्यांच्या बाळाला सोडून बीएसएफ मध्ये दाखल झालेल्या कोल्हापूरच्या वर्षाराणी पाटील या माऊलीचा सार्थ अभिमान वाटतो! या माऊलीच्या मनाची होणारी घालमेल पाहून माझंही उर भरून आलं आहे.#IndianArmy #Kolhapur pic.twitter.com/azcUjd5aHc

— Chhagan Bhujbal (@ChhaganCBhujbal) March 16, 2023