“कृतज्ञता सन्मान पुरस्कार वितरण सोहळ्याचे २ जून रोजी नाशिकमध्ये आयोजन –बाबाज थिएटर्सचा उपक्रम

📍 नाशिक, दि. २ जून २०२५ –  Babaj Theatres Event  बाबाज थिएटर्स तर्फे दर महिन्याला आयोजित केला जाणारा संगीत व सन्मान सोहळ्याचा मासिक उपक्रम यंदा आपल्या ५५ व्या पुष्पासह सज्ज झाला असून, सोमवार दिनांक २ जून रोजी “कृतज्ञता सन्मान पुरस्कार” सोहळा सायंकाळी ६.१५ ते ९ या वेळेत कुर्तकोटी सभागृह, शंकराचार्य न्यास, नाशिक येथे पार पडणार आहे. साई वैष्णवी बिल्डकॉन यांच्या सहकार्याने हा कार्यक्रम रसिकांसाठी विनामूल्य उपलब्ध असणार आहे.

या विशेष कार्यक्रमात संगीत मैफल व सन्मान सोहळा यांचा एकत्रित अनुभव रसिकांना मिळणार आहे. ज्येष्ठ संगीतप्रेमी व नागरिकांसाठी खास संकल्पना असलेला हा कार्यक्रम प्रशांत जुन्नरे यांच्या कल्पनेतून साकारला जात असून, यामध्ये एस. डी. बर्मन आणि आर. डी. बर्मन यांच्या अजरामर गीतांची अविस्मरणीय सादरीकरण करण्यात येणार आहे.

🌟 संगीत मैफलीतील कलाकार  (Babaj Theatres Event)
या कार्यक्रमात नमिता राजहंस, प्रशांत चंद्रात्रे, पल्लवी मायाचार्य, वैष्णवी पगारे, सतीश रणदिवे, प्रकाश पाटील हे गायक अमोल पाळेकर यांच्या वाद्यवृंदाच्या साथीसह आपल्या गायनाची जादू निर्माण करतील. कार्यक्रमाचे निवेदन समीर ओतुरकर करतील.

🏆 कृतज्ञता सन्मान पुरस्कार सन्मानार्थी
कार्यक्रमाच्या दुसऱ्या भागात नाशिकच्या सांस्कृतिक व सामाजिक क्षेत्रात अपूर्व कार्य करणाऱ्या तीन मान्यवरांचा “कृतज्ञता सन्मान पुरस्कार” देऊन गौरव करण्यात येणार आहे. डॉ. उमेश मराठे (साई केअर हॉस्पिटल) आणि अॅड. वैभव शेटे (नाशिक बार असोसिएशन) यांच्या हस्ते पुरस्कार प्रदान केले जातील.

सन्मानार्थी नामवंत मान्यवर पुढीलप्रमाणे –
1️⃣ श्री. अनिल दैठणकर – सुप्रसिद्ध व्हायोलिन वादक
2️⃣ कीर्ती भवाळकर – प्रसिद्ध कथक नृत्यांगना
3️⃣ श्री. सचिन निरंतर – मुक्तांगण व्यसनमुक्ती केंद्राचे समन्वयक व सामाजिक कार्यकर्ते

📢 आयोजकांचे आवाहन
या विशेष सांगीतिक व सन्मान सोहळ्याला उपस्थित राहण्याचे आवाहन प्रशांत जुन्नरे, कैलास पाटील, प्रीतम पावशे, प्रा. प्रीतीश कुलकर्णी, जे. पी. जाधव, शामराव केदार, दिलीपसिंह पाटील, योगिता पाटील, राजा पाटेकर, मिलिंद जोशी या आयोजन समितीने केले आहे.