महाड,दि.३ एप्रिल २०२४ –महाड मधून मोठी बातमी समोर येत आहे.शिवसेना उद्धव बाळासाहेब ठाकरे गटाच्या नेत्या सुषमा अंधारे यांना घेण्यासाठी आलेले हेलिकॉप्टर क्रॅश झाले असून सुदैवाने मोठा अनर्थ टळला आहे. शिवसेना नेत्या सुषमा अंधारे आणि पायलट दोघेही सुखरूप आहेत.हेलिकॉप्टर क्रॅश होण्याचं कारण अद्याप अस्पष्ट आहे.सुषमा अंधारेच्या बसण्यापूर्वीच हे हेलिकॉप्टर क्रॅश झाले.
हेलिकॉप्टर हे साधारण नऊच्या सुमारास आले.हेलिकॉप्टरमध्ये आधीपासूनच काही तांत्रिक अडचण असल्याची माहिती आहे.कारण ज्यावेळी हेलिकॉप्टर घेण्यासाठी आले त्यावेळी ते बराच वेळ हवेत होते. ते खाली उतरण्यासाठी प्रयत्न करत होते. मात्र ज्यावेळी ते उतरण्याचा प्रयत्न करत होते त्याचवेळी हेलिकॉप्टर क्रॅश झाले आणि हेलिकॉप्टरचे तुकडे झाले.
आज सुषमा अंधारे बारामतीच्या दिशेने जाणार होत्या .बारामतीत आयोजित केलेल्या महिला मेळाव्यात सहभागी होण्यासाठी त्या महाडहून बारामतीला निघाल्या होत्या.बारामतीला जाण्यासाठी त्या हेलिपॅडवर पोहचल्या. हेलिकॉप्टरचा अपघात सुषमा अंधारे यांच्या समोरच झाला आहे.या अपघातात हेलिकॉप्टरचे तुकडे झाले. महत्त्वाचे म्हणजे हेलिकॉप्टरचा पायलट सुखरुप आहे. स्थानिकांच्या मदतीने पायलटला बाहेर काढण्यात आले. हेलिकॉप्टरची दृश्य अतिशय भयावह आहेत.
सुषमा अंधारे सुखरुप असून त्यांना कोणतीही इजा झालेली नाही.सध्या त्या महाडमध्येच आहे.मी सुखरूप आहे माझ्यासह कॅप्टन आणि असिस्टंट आणि माझा लहान भाऊ विशाल गुप्ते आम्ही सगळे सुखरूप आहोत चिंता नसावी,अशी प्रतिक्रिया सुषमा अंधारेंनी दिली आहे.
