IPL 2025 एक आठवड्यासाठी स्थगित, BCCI चा निर्णय
राष्ट्राच्या सुरक्षेला प्राधान्य — खेळाडूंनी भारतीय सैन्याचे केले कौतुक आणि मानले आभार
📍 नवी दिल्ली | ९ मे २०२५ — BCCI Decision IPL भारत-पाकिस्तान सीमेवरील वाढत्या तणावाच्या पार्श्वभूमीवर इंडियन प्रीमियर लीग (IPL 2025) काही काळासाठी स्थगित करण्याचा मोठा निर्णय बीसीसीआयने घेतला आहे. येत्या आठवड्यासाठी आयपीएलचे सामने पुढे ढकलण्यात आले असून राष्ट्राच्या सुरक्षेला सर्वोच्च प्राधान्य देण्यात आले आहे. बीसीसीआयने जाहीर केले की, “राष्ट्राच्या सार्वभौमत्वापेक्षा काहीही मोठे नाही.”
🏏 BCCI चा अधिकृत निर्णय ( BCCI Decision IPL)
IPL गव्हर्निंग कौन्सिलने फ्रँचायझी, प्रसारक, प्रायोजक आणि इतर भागधारकांशी चर्चा करून एकमताने ही वेळेची गरज ओळखून निर्णय घेतला आहे. BCCI ने सशस्त्र दलांच्या शौर्याला सलाम करत सांगितले की, “ही वेळ देशाच्या पाठीशी खंबीरपणे उभे राहण्याची आहे. आमचा पूर्ण विश्वास आपल्या सैन्याच्या शौर्य आणि तयारीवर आहे.”
📣 खेळाडूंनी व्यक्त केली भावना
भारतभरातील अनेक खेळाडूंनी भारतीय सैन्याचे कौतुक करत सोशल मीडियावर आपल्या भावना व्यक्त केल्या आहेत. त्यांनी भारतीय सेनेच्या निःस्वार्थ सेवेचे कौतुक करत त्यांचे आभार मानले.
🚨 ड्रोन हल्ल्यांचा थेट परिणाम IPL वर
बुधवारी पाकिस्तानकडून भारतातील अनेक शहरांवर ड्रोन आणि क्षेपणास्त्र हल्ल्याचा प्रयत्न झाला. भारतीय संरक्षण दलाने त्वरित कारवाई करत हे हल्ले परतवले. मात्र, त्याचा परिणाम IPL 2025 वर झाला. धर्मशाळा येथे सुरू असलेला पंजाब किंग्ज विरुद्ध दिल्ली कॅपिटल्स सामना १०.१ षटकांनंतर थांबवावा लागला.
📌 BCCI चा ठाम संदेश:
“क्रिकेट ही राष्ट्रीय आवड असली तरी, देशाची अखंडता, सार्वभौमत्व आणि सुरक्षिततेपेक्षा कोणतीही गोष्ट मोठी नाही. BCCI नेहमीच देशाच्या हितासाठी निर्णय घेईल.” असे अधिकृत निवेदनात सांगण्यात आले आहे.
🗓️ नवीन वेळापत्रक लवकरच
BCCI लवकरच IPL 2025 चं नवीन वेळापत्रक जाहीर करणार असल्याचे सांगण्यात आले आहे. Jiostar, TATA आणि इतर प्रमुख प्रायोजकांनी या निर्णयाला संपूर्ण पाठिंबा दिला आहे.
TATA IPL 2025 suspended for one week.
More details here 👇👇 | #TATAIPL
— IndianPremierLeague (@IPL) May 9, 2025
IPL 2025 Suspended, BCCI Decision IPL, India Pakistan Tension IPL Impact, Indian Army Support IPL, IPL Security Concerns 2025, Drone Attacks India 2025, IPL Match Cancelled, BCCI Statement IPL Suspension, IPL Postponement News May 2025, IPL Schedule Update 2025
