मुंबई | दि. २१ मे २०२५ – Kiara Advani bikinilook ‘वॉर 2’ चा बहुप्रतिक्षित टीझर नुकताच प्रदर्शित झाला असून, चाहत्यांमध्ये प्रचंड उत्साह उसळला आहे. ऋतिक रोशन आणि एनटीआर यांच्या जबरदस्त अ‍ॅक्शन सीन्सनी जसे प्रेक्षकांची मने जिंकली, तसाच इंटरनेटवर खळबळ माजवणारा ठरला कियारा अडवाणीचा हॉट अंदाज—नियॉन लाइम ग्रीन बिकिनीतील झळकणारा सीन!
हा लूक चाहत्यांना जितका अप्रतिम वाटला, तितकाच त्यामागे स्टायलिस्ट अनाइता श्रॉफ अदजानिया यांचा अचूक फॅशन सेन्स आहे.
“हॉट पण नैसर्गिक!” – अनाइता श्रॉफ
अनाइता म्हणतात,
“हे माझं कियारासोबतचं पहिलं फिल्म कोलॅबरेशन होतं आणि पहिल्यापासूनच कल्पना स्पष्ट होती – ग्लॅमरस आणि सहज. ती समुद्रकिनारी आहे, रिलॅक्स्ड आहे, आत्मविश्वासात आहे – हे जाणवायला हवं!”
बिकिनी लूकसाठी निवडलेला रंगही अनपेक्षित होता.
“ना अगदी हिरवा, ना अगदी पिवळा – पण नजरेत भरणारा. हा रंग कियारासारख्या आत्मविश्वासू अभिनेत्रीला अधिक उठावदार करतो.”
“कट सिंपल, पण डिटेल्समध्ये मॅजिक”(Kiara Advani bikinilook)
अनाइता सांगतात की, या बिकिनीचा कट जरी सोपा असला, तरी एक विशेष ‘बिकिनी चार्म’ मध्यभागी जोडलेला आहे, ज्यामुळे तो लूक आणखी वेगळा भासतो. त्यात थोडा डिस्को वाइब, थोडं गूढ आणि भरपूर स्टाईल आहे.
“मेटॅलिक चमक त्याला ८०च्या दशकाचा टच देते, पण तरीही लूक एकदम फ्रेश आणि आजच्या जनरेशनसाठी परफेक्ट आहे.”
कियाराची मेहनत मागे नाही
या लूकसाठी कियाराने घेतलेली मेहनतही तितकीच महत्त्वाची आहे. अनाइता म्हणतात,
“ती इतकी सहज होती की तिला काही ‘अभिनय’ करावा लागला नाही. हे तिचं रिअल प्रेझेन्स होतं. तिचं शरीर तिने मेहनतीने घडवलंय आणि मी फक्त त्याला उठाव देण्याचं काम केलं.”
‘वॉर 2’ ची मोठी उत्सुकता
‘वॉर 2’ ही यशराज फिल्म्सच्या स्पाय युनिव्हर्समधील सहावी फिल्म आहे. या ब्लॉकबस्टर प्रोजेक्टचे दिग्दर्शक आयान मुखर्जी असून निर्माते आहेत आदित्य चोप्रा. चित्रपट १४ ऑगस्ट २०२५ रोजी हिंदी, तमिळ आणि तेलगू भाषांमध्ये प्रदर्शित होणार आहे.
कियाराचा बिकिनी लूक म्हणजे केवळ ग्लॅमरचा डोस नाही, तर तिच्या मेहनतीचं आणि आत्मविश्वासाचं प्रतीक आहे. या लूकमागे अनाइता श्रॉफ अदजानियाच्या फॅशन दृष्टिकोनाने प्रेक्षकांना थक्क केलं आहे आणि ‘वॉर 2’ बद्दलची उत्सुकता आणखी वाढवली आहे.
