राज्य सरकारकडून मद्य दरवाढीचा निर्णय

मुंबई, दि. १० जून २०२५:Maharashtra Liquor Price Hike राज्य उत्पादन शुल्क विभागाच्या महसूल वाढीच्या उपाययोजनांना आज झालेल्या मंत्रिमंडळ बैठकीत मान्यता देण्यात आली. मुख्यमंत्री देवेंद्र फडणवीस यांच्या अध्यक्षतेखाली ही बैठक झाली. यामध्ये मद्य उत्पादन व विक्रीवरील शुल्क दरात वाढ करण्याचा निर्णय घेण्यात आला आहे.राज्य शासनाच्या या निर्णयामुळे मद्यप्रेमींना अधिक पैसे मोजावे लागणार असून, मद्य दरवाढीमुळे राज्याच्या महसुलात दरवर्षी सुमारे १४,००० कोटी रुपयांची वाढ अपेक्षित आहे.

✅ नवीन मद्य दर (१८० मि.ली. किरकोळ विक्री):(Maharashtra Liquor Price Hike)
देशी दारू (Country Liquor) – ₹८०
महाराष्ट्र मेड लिकर (MML) – ₹१४८
भारतीय बनावटीचे विदेशी मद्य (IMFL) – ₹२०५
प्रिमियम विदेशी मद्य (Premium Foreign Liquor) – ₹३६०

🏛️ उत्पादन शुल्क दरात मुख्य बदल:
IMFL: दर ३ पट वरून ४.५ पट
देशी दारू: प्रति प्रुफ लिटर ₹१८० वरून ₹२०५
MML: नव्याने मान्यता दिलेली धान्याधारित विदेशी दारू, केवळ महाराष्ट्रात उत्पादित केली जाईल.

🧠 AI-आधारित नियंत्रण यंत्रणा:
राज्यातील मद्यनिर्मिती, आसवण्या व घाऊक विक्रेत्यांवर नियंत्रण ठेवण्यासाठी AI आधारित कंट्रोल रूम स्थापन होणार आहे.

🏢 संरचना व पदभरती:
१२२३ नवीन पदे राज्य उत्पादन शुल्क विभागात भरली जातील.
मुंबई, ठाणे, पुणे, नाशिक, नागपूर, अहिल्यानगर येथे नवीन अधीक्षक कार्यालये सुरू होणार.मुंबई शहर व उपनगर साठी स्वतंत्र विभागीय कार्यालय.

🍾 रेस्टॉरंट्स/हॉटेलसाठी नव्या अटी:
FL-2 व FL-3 अनुज्ञप्त्या आता कराराद्वारे भाडेतत्त्वावर चालविता येतील. त्यावर १०-१५% अतिरिक्त शुल्क आकारण्यात येईल.

🌍 देशभरात ब्रिटीश बिअर होणार स्वस्त,पण महाराष्ट्रात दारू महाग
भारत-ब्रिटन FTA अंतर्गत देशात ब्रिटिश बिअर स्वस्त होणार असताना, महाराष्ट्र सरकारने उत्पादन शुल्क वाढविल्यामुळे राज्यात दारू दर झपाट्याने वाढले आहेत.

📈 निष्कर्ष:
राज्य सरकारच्या या निर्णयामुळे मद्यपींना प्रत्येक पार्टीला जास्त खर्च करावा लागणार आहे. दुसरीकडे, राज्य तिजोरीत मोठी वाढ होणार असल्याने प्रशासन समाधानी आहे.