सुधाकर बडगुजर यांची शिवसेनेतून हकालपट्टी

नाशिक, ४ जून २०२५:Maharashtra politics news ठाकरेंच्या नेतृत्वाखालील शिवसेनेला पुन्हा एक मोठा धक्का बसला आहे. नाशिक जिल्ह्याचे प्रभावशाली नेते सुधाकर बडगुजर यांची पक्षातून थेट हकालपट्टी करण्यात आली आहे.विशेष बाब म्हणजे,पत्रकार परिषद सुरू असतानाच उद्धव ठाकरे आणि संजय राऊत यांचा फोन सहसंपर्कप्रमुख दत्ता गायकवाड यांना आला आणि तात्काळ बडगुजर यांची पक्षातून हकालपट्टी जाहीर करण्यात आली.

सुधाकर बडगुजर हे गेल्या काही दिवसांपासून पक्षातील संघटनात्मक बदलांबाबत नाराजी व्यक्त करत होते.त्यांनी महानगरप्रमुख विलास शिंदे यांच्यासह १० ते १२ कार्यकर्ते नाराज असल्याचा गौप्यस्फोटही केला होता.मात्र,आज झालेल्या पत्रकार परिषदेला विलास शिंदे उपस्थित होते आणि नाराजीच्या चर्चांना फेटाळून लावले.

ही पत्रकार परिषद पक्षात सर्व काही सुरळीत असल्याचे दाखवण्यासाठी आयोजित केली होती.पण दरम्यान,संजय राऊत व उद्धव ठाकरेंचा फोन आल्यानंतर पत्रकार परिषदेत नाट्यमय वळण आले आणि बडगुजर यांची हकालपट्टी जाहीर करण्यात आली.

यापूर्वी सुधाकर बडगुजर यांनी मुख्यमंत्री देवेंद्र फडणवीस यांची भेट घेतली होती,ज्यावरून त्यांचा भाजपकडे झुकाव असल्याच्या चर्चा सुरू झाल्या. यावर बडगुजर यांनी ती फक्त पालिकेच्या कामासंदर्भातील औपचारिक भेट असल्याचे सांगितले होते. त्यांनी आदित्य आणि उद्धव ठाकरेंनी देखील अशा भेटी घेतल्याचे नमूद करत चर्चांना फेटाळले.

बडगुजरांच्या या निर्णयावर भाजपचे नेते गिरीश महाजन यांनी प्रतिक्रिया देताना ठाकरेंची शिवसेना संपुष्टात येत असल्याचा दावा केला.त्यावर शिवसेनेचे खासदार संजय राऊत यांनी महाजनांवर घणाघात करत “महाजनांच्या दहा पिढ्या आल्या तरी शिवसेना संपणार नाही”असे प्रत्युत्तर दिले.

विधानसभा निवडणुकीनंतर ठाकरेंच्या शिवसेनेत गळती वाढली असून,राजन साळवी,संजय घाटगे,राजू शिंदे,आणि नरेंद्र दराडे यांच्यासारख्या नेत्यांनी पक्षाचा निरोप घेतला आहे.एकनाथ शिंदेंच्या बंडानंतर ही गळती थांबलेली नाही आणि आता सुधाकर बडगुजर यांची हकालपट्टी ही आणखी एक मोठी धक्का मानली जात आहे.

सारांश:(Maharashtra politics news)
शिवसेनेत अंतर्गत वाद, नाराजी आणि गळतीचे सत्र अजूनही थांबलेले नाही.बडगुजर यांची तडकाफडकी हकालपट्टी हे या संघर्षाचे ताजे उदाहरण आहे.राजकीय वर्तुळात आता चर्चा सुरू आहे की, बडगुजर यांचा पुढचा थांबा भाजप असू शकतो.

ही बातमी सोशल मीडिया आणि राजकीय वर्तुळात जोरदार गाजत असून, आगामी काळात महाराष्ट्राच्या राजकारणात मोठे राजकीय बदल होण्याची शक्यता व्यक्त केली जात आहे.