आजचे राशिभविष्य गुरूवार, ४ सप्टेंबर २०२५

ज्योतिषी मंगेश पंचाक्षरी, नाशिक (Marathi Rashi Bhavishya)

भाद्रपद शुक्ल द्वादशी. विश्वावसुनाम संवत्सर. शके १९४७, संवत २०८१.

राहुकाळ – दुपारी १.३० ते दुपारी ३.००

“आज शुभ दिवस आहे” *वामन जयंती*

चंद्र नक्षत्र – उत्तराषाढा.

आज जन्मलेल्या बाळाची राशी – मकर.

४ सप्टेंबर रोजी जन्मलेल्या व्यक्तींची वैशिष्ट्ये:-(Marathi Rashi Bhavishya)

तुमच्यावर हर्षल आणि बुध ग्रहाचा प्रभाव आहे. त्यामुळे तुमच्या जीवनात आणि विचारांमध्ये अनेकदा विरोधाभास जाणवतो. तुम्हाला काही विलक्षण घटनांचा जीवनात अनुभव येतो. तुम्ही कोणत्याही परिस्थितीला समर्थपणे तोंड देऊ शकतात. तुमचा कामाचा वेग प्रचंड आहे आणि व्यापारी वृत्ती आहे. तुमची विचारसरणी तर्कशुद्ध आणि शास्त्रीय आहे. उत्साह, प्रगती आणि जोम ही तुमचे वैशिष्ट्ये आहेत. जीवनात अनेक चढउतार अनुभव येतात. कोणत्याही कार्यात यश कसे मिळवावे याचे तुम्ही उत्तम नियोजन करतात. मानवतेच्या कल्याणासाठी तुम्ही तुमच्या बुद्धीचा उपयोग करतात. तुम्हाला नाविन्य आणि प्रवासाची आवड असते. तुम्हाला जुन्या परंपरा आणि रूढी आवडत नाहीत. जीवनात सतत बदल असावा असा तुमचा विचार असतो. तुमचा मित्र परिवार सतत बदलत असतो. तुम्ही अहंकार आणि हट्टीपणा टाळला पाहिजे आणि डोके शांत ठेवून काम केले पाहिजे. आर्थिक बाबतीत तुम्ही नशीबवान आहात. तुमच्या शब्दांमध्ये आणि कृतीमध्ये ठामपणे असतो.

व्यवसाय:- जाहिरात माध्यम, इंटरियर डेकोरेटर, राजदूत, बँकिंग, आयात निर्यात, भौतिकशास्त्र, रसायनशास्त्र, डॉक्टर, कान -नाक- डोळे स्पेशालिस्ट, संशोधन, ज्योतिष.

शुभ दिवस:- रविवार, सोमवार आणि शनिवार.

शुभ रंग:- तपकिरी, निळा आणि पांढरा.

शुभ रत्न:- हिरा, पोवळे आणि मोती.

(रत्ने घेताना कुंडलीचा देखील उपयोग करा)

टीप: नावाप्रमाणेच तुमच्या राशी असतील असे नाही. अधिक माहितीसाठी आमच्या “राशीभाव” या फेसबुक पेजला भेट द्या.

मेष:-(चू,चे,चो,ला,ली,ले,लो,आ) चंद्राचा शनीशी शुभ लाभ योग् आहे तर हर्षलशी त्रिकोण योग आहे. अनुकूल दिवस आहे. उत्तम लाभ होतील. आर्थिक उत्पन्न वाढणार आहे. तुमच्या शब्दांवर विश्वास ठेवून मित्र मंडळी काम करतील.

वृषभ:- (इ,उ,ए,ओ, वा,वी,वू,वे,वो) नवम चंद्र आहे. अत्यंत अनुकूल ग्रहमान आहे. स्वप्ने साकार होतील. योग्य त्या व्यक्तीची भेट होईल. सहलीस जाण्याचे योग आहेत. प्रवास कार्यसाधक होईल.

मिथुन:- (का,की,कु,घ,गं, छा,के,को,हा) संमिश्र दिवस आहे. अष्टम चंद्र आहे. तरीही काही सुखद अनुभव येतील. विनाकारण खर्च वाढू शकतात, वाहन जपून चालवावे. मान अपमानाचे प्रसंग येऊ शकतात.

कर्क:-(हु,हे,हो,डा,डी,डु,डे, डो) अनुकूल दिवस आहे. सप्तम स्थानी चंद्र आहे. शनीची प्रतिकुलता काहीशी कमी जाणवेल. गूढ गोष्टींची आवड निर्माण होईल. अध्यात्मिक लाभ होतील. अचानक धनलाभाचे योग आहेत.

सिंह:- (मा,मी,मू,मे,मो,टा, टी, टू, टे) षष्ठ चंद्र आहे. नोकरी व्यवसायात चांगले अनुभव येतील. सरकारी कामात लक्ष घालावे लागेल. काही अनाकलनीय प्रश्न निर्माण होतील. मात्र त्यातून उपसननेने मार्ग निघू शकतील.

कन्या:- (टो, पा,पी,पू,षा णा,ठा,पे,पो) पंचम चंद्र आहे. आर्थिक लाभ होतील. मात्र नियोजन बदलावे लागेल. पत्नीचा गैरसमज होऊ शकतो. कनिष्ठ सहकाऱ्यांशी नम्रतेने वागावे. प्रवासात काळजी घ्या.

तुळ:-(रा,री,रु,रे,तो,ता,ती,तू,ते) चतुर्थ चंद्र आहे. विनाकारण मन अस्वस्थ राहू शकते. नोकरी/व्यवसायात कामाचा ताण जाणवेल. आरोग्याची काळजी घ्या. उपासना करा. वाहन चालवताना काळजी घ्या.

वृश्चिक:- (तो,ना,नी,नू, ने,नो,या,यी,यु) द्वितीया चंद्र तुमचा खर्च वाढवेन मात्र तो योग कारणासाठी होईल. घरगुती गोष्टीत वेळ व्यतीत होईल. प्रिय व्यक्तीची भेट होईल. मात्र त्यांची नाराजी दूर करावी लागेल.

धनु:-(ये,यो,भा,भी,भु,धा,फा,ढा,भे) तृतीय चंद्र आहे. आर्थिक बाजू मजबूत होईल. विजयी मार्गक्रमण कराल. शत्रू पराभूत होतील. गुपिते उघड करू नका. पाणथळ जागेजवळ भाग्योदय होईल.

मकर:- (भो,जा,जी,खी, खु,खे,खो,गा,गी) आज तुमच्याच राशीत चंद्र आहे. अनुकूल दिवस आहे. ऐश्वर्य लाभेल. तुमच्या मनातील कल्पना साकार होतील. अचानक लाभ होतील. लॉटरीचा प्रयोग करण्यास हरकत नाही.

कुंभ:- (गु,गे,गो,सा, सी,सु,से,सो,दा) तुमच्या व्यय स्थानात चंद्र आहे. संभाळवून पावले टाका. घरगुती कामासाठी वेळ द्याल. सामाजिक कार्यात भाग घ्याल. मात्र फारसे यश मिळणार नाही.

मीन:- (दी, दू, झा,ज्ञा,था, दे,दो, चा,ची) चंद्र अनुकूल आहे. सुखद अनुभव येतील. कलाकारांना संधी मिळतील. सरकारी कामे मार्गी लागतील. धाडसी पाऊल उचलाल.

(व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती जाणून घ्या. कुंडली परीक्षण करण्यासाठी कृपया संपर्क करा. – ज्योतिषी मंगेश पंचाक्षरी, नाशिक. 8087520521)