‘शंकर-जयकिशन’ – वडिल-मुलगी नात्याची अनोखी सांगड

मुंबई, दि. २५ नोव्हेंबर २०२५ — Marathi Theatre News मराठी रंगभूमीवर एक अनोखी, भावनिक आणि विनोदी सफर घेऊन येणारं नाटक ‘शंकर-जयकिशन’ प्रेक्षकांमध्ये प्रचंड उत्सुकता निर्माण करत आहे. मैत्री, पितृत्व आणि वडिल–मुलीच्या गुंतागुंतीच्या नात्याची सांगड घालत हे नाटक एका अनपेक्षित नात्यातून उलगडणारी कथा रंगमंचावर साकारत आहे.

या नाटकात वडिल-मुलीचे ताणतणाव, दडलेली कटुता आणि एका अनोळखी व्यक्तीच्या अचानक आगमनानंतर त्यांच्या आयुष्यात घडणारे बदल प्रेक्षकांसमोर येणार आहेत. वडिल-मुलीच्या नात्यात आलेला हा तिसरा व्यक्ती कोण? त्याच्या भूतकाळात कोणते रहस्य दडलंय? हे सगळं नाटक पाहिल्यावरच समोर येणार आहे.

विशेष आकर्षण – 29 वर्षांनंतर महेश मांजरेकर यांचे रंगभूमीवर पुनरागमन!(Marathi Theatre News)

या नाटकाची सर्वात मोठी सरप्राईज आहे —भरत जाधव आणि महेश मांजरेकर हे दोन्ही दिग्गज कलाकार पहिल्यांदाच एकत्र रंगमंचावर दिसणार आहेत.तब्बल २९ वर्षांनंतर महेश मांजरेकर पुन्हा रंगभूमीवर पाऊल टाकत आहेत, त्यामुळे नाट्यप्रेमींसाठी हा ऐतिहासिक क्षण ठरणार आहे.

दिग्दर्शक सुरज पारसनीस म्हणतात:

“हे नाटक हसवणारं आहेच, पण नात्यांच्या नाजूक धाग्यांनाही भिडणारं आहे. मैत्री आणि पितृत्वाचा एक वेगळा पैलू यामध्ये उलगडतो.”

निर्माते भरत जाधव सांगतात:

“महेशजींसोबत मी अनेक चित्रपटांत काम केलं आहे. पण रंगभूमीवर आम्ही पहिल्यांदाच एकत्र काम करतोय. आमची केमिस्ट्री प्रेक्षकांना नक्कीच एक वेगळी जादू दाखवेल.”

महेश मांजरेकर म्हणाले:

“२९ वर्षांनंतर रंगभूमीवर परतणं भावनिक आहे. ‘शंकर-जयकिशन’ची कथा वाचताच वाटलं—हे नाटक रंगमंचावर आलंच पाहिजे. भरतसोबत काम करणं नेहमीच खास असतं.”

नाटकाची टीम आणि संगीत

लेखन: विराजस कुलकर्णी

दिग्दर्शन: सुरज पारसनीस

निर्मिती: भरत जाधव एंटरटेन्मेंट

प्रमुख कलाकार: भरत जाधव, महेश मांजरेकर, शिवानी रांगोळे

गीत: क्षितिज पटवर्धन

विनोद, भावना आणि नात्यांची सुंदर गुंफण असलेलं हे नाटक १९ डिसेंबर रोजी विलेपार्लेतील दिनानाथ मंगेशकर नाट्यगृहात प्रथम सादर होणार आहे.