नाशिक, ३० जानेवारी २०२३- दि न्यू एज्युकेशन इन्स्टिट्यूट, नाशिक या शैक्षणिक संस्थेतर्फे स्वर्गीय प्र.पु. तथा बाबासाहेब वैशंपायन यांच्या स्मृतिदिनानिमित्त दिला जाणारा *अक्षय्य पुरस्काराच्या निमित्ताने सत्कारमूर्ती,जेष्ठ नाट्य, सीने अभिनेते व नाट्य निर्माते मा. श्री. प्रशांतजी दामले* यांचे ऍक्रेलिक रंग माध्यमातील कॅनव्हास वरील व्यक्तिचित्र, आंतरराष्ट्रीय ख्यातीचे चित्रकार व कलाध्यापक राजेश भीमराज सावंत यांनी आपल्या सुप्रसिद्ध चित्रशैलीत अत्यंत वास्तववादी पद्धतीने चित्रित केले,कालिदास कला मंदिरात झालेल्या अक्षय्य पुरस्कार वितरण समारंभाच्या वेळीस सदर चित्रकृती प्रशांत दामले यांना प्रदान करण्यात आली.
या व्यक्ती चित्रात अभिनेते प्रशांत दामले यांचे सुप्रसिद्ध असे बहुआयामी व्यक्तिमत्व चित्रकार राजेश भी. सावंत यांनी आपल्या कुंचल्यांच्या अभ्यासपूर्ण फटकार्यामध्ये मार्मिकपणे चित्रबद्ध केले असून प्रशांत दामले यांच्या चेहऱ्यावरील मिश्किल स्मितहास्य हे या व्यक्ती चित्राचे वेगळेपण दर्शवणारे ठरले ,हे चित्र पाहून प्रशांत दामले हे भारावले व चित्रकार राजेश सावंत यांचे मनापासून कौतुक करत भावी वाटचालीसाठी शुभेच्छा दिल्या.
यापूर्वीही चित्रकार राजेश भी.सावंत यांनी सिने,नाट्य क्षेत्रातील अनेक मान्यवर व्यक्तींचे व्यक्तीचित्रणे विविध रंग माध्यमात शास्त्रोक्त व वास्तववादी पद्धतीने चित्रित केलेली आहे, त्यात सुप्रसिद्ध अभिनेते सदाशिव अमरापुरकर ,सचिन पिळगावकर, वैभव मांगले, महेश कोठारे,भार्गवी चिरमुले, लता मंगेशकर यासारख्या अनेक मान्यवर व्यक्तींचे पोट्रेट्स गाजलेली आहेत.
या अक्षय्य पुरस्काराच्या वेळी संस्थेचे अध्यक्ष प्रकाश वैशंपायन, उपाध्यक्ष प्रभाकर कुलकर्णी, जेष्ठ नाट्य दिग्दर्शक रवींद्र कदम, चेअरमन रोहित वैशंपायन , रमेश महाशब्दे, नंदलाल चोरडिया,सेक्रेटरी हेमंत बरकले, रेखाताई वैशंपायन, श्रुती वैशंपायन,तसेच सुप्रसिद्ध मुलाखतकार सुधीर गाडगीळ, मुख्याध्यापक सुभाष महाजन , सविता कुशारे ,अरुण महाजन तसेच संस्था व शाळांचे सर्व पदाधिकारी, शिक्षक व विविध क्षेत्रातील अनेक मान्यवर याप्रसंगी उपस्थित होते.
