मुंबई, दि. ३० मे २०२५- Vaishnavi Hagawane Son Custody पुण्यातील वैष्णवी हगवणे आत्महत्या प्रकरणानंतर निर्माण झालेला मोठा प्रश्न म्हणजे तिच्या ९ महिन्यांच्या मुलाचा ताबा नेमका कोणाकडे जाईल? याबाबत आता राज्य सरकार आणि बाल कल्याण समितीचा महत्त्वाचा निर्णय समोर आला आहे.
👶 जनक हगवणेचा ताबा वैष्णवीच्या आईकडे (Vaishnavi Hagawane Son Custody)
स्व. वैष्णवी हगवणे यांचा ९ महिन्यांचा मुलगा जनक हगवणे याच्या संगोपनाची जबाबदारी बाल कल्याण समितीने स्वाती कस्पटे (वैष्णवीच्या आई) यांच्याकडे सोपवली आहे. राज्याच्या महिला व बालविकास राज्यमंत्री आदिती तटकरे यांनी ट्विटद्वारे याची अधिकृत घोषणा केली.
“श्रीमती स्वाती कस्पटे यांना ‘Fit Person’ म्हणून नियुक्त करण्यात आले आहे. त्यांचं सामाजिक, भावनिक आणि कौटुंबिक वातावरण हे बालकाच्या हितासाठी योग्य असल्याचे तपासणीतून स्पष्ट झाले आहे.” – आदिती तटकरे
पुण्यातील स्व. वैष्णवी हगवणे यांच्या मृत्यूपश्चात त्यांचा 9 महिन्यांचा मुलगा जनक हगवणे याचा सांभाळ करण्यासाठी बाल कल्याण समितीने त्याच्या आजी व स्व. वैष्णवी हगवणे यांच्या आई श्रीमती स्वाती आनंद कस्पटे यांना योग्य व्यक्ती ( Fit Person) म्हणून नियुक्त केले आहे. याबाबत जिल्हा बाल…
— Aditi S Tatkare (@iAditiTatkare) May 30, 2025
🧾 कायदेशीर ताबा स्वाती कस्पटे यांच्याकडे
यापुढे स्व. वैष्णवी हगवणे यांचा मुलगा जनक हगवणे याचा कायदेशीर ताबा स्वाती कस्पटे यांच्याकडे राहणार आहे.
त्याच्या शिक्षण, आरोग्य आणि सर्वांगीण विकासाची जबाबदारीही त्यांच्याकडे असेल.
⚖️ प्रकरणाची पार्श्वभूमी
१६ मे रोजी पुण्यात वैष्णवी हगवणे हिने सासरच्या छळाला कंटाळून आत्महत्या केली. याप्रकरणात पोलिसांनी खालील व्यक्तींना अटक केली आहे:
पती शशांक हगवणे – न्यायालयीन कोठडी
सासू लता हगवणे, नणंद करिष्मा हगवणे – न्यायालयीन कोठडी
सासरा राजेंद्र हगवणे, दीर सुशील हगवणे – पोलीस कोठडी
🔍 अटकेत असताना मुलाच्या ताब्यावरून निर्माण झाली होती अनिश्चितता
वैष्णवीच्या मृत्यूनंतर तिच्या बाळाच्या संगोपनाबाबत नातलगांमध्ये मतभेद होते. काही दिवसांपूर्वी निलेश चव्हाणने बाळावर हक्क सांगत नातेवाईकांना पिस्तुल दाखवून धमकावल्याचा धक्कादायक प्रकार घडला होता. या पार्श्वभूमीवर बाल कल्याण समितीने आता स्पष्ट निर्णय दिला आहे.
