विद्यार्थ्यांना आता एसटी पास थेट शाळेत –परिवहन मंत्री प्रताप सरनाईक यांची घोषणा

📍 मुंबई | दि. १५ जून २०२५-ST buspass for students राज्यातील लाखो विद्यार्थ्यांसाठी एक आनंदाची बातमी आहे. येत्या शैक्षणिक वर्षापासून एसटीचे सवलतीचे पास थेट शाळांमध्ये वितरित करण्यात येणार आहेत. ही माहिती परिवहन मंत्री आणि एसटी महामंडळाचे अध्यक्ष प्रताप सरनाईक यांनी दिली आहे.

🎒 आता रांगा नाहीत – पास थेट शाळेत
आत्तापर्यंत विद्यार्थ्यांना एसटी आगारात जाऊन रांगेत उभे राहून पास काढावे लागत होते, त्यामुळे वेळ आणि गैरसोयीला सामोरे जावे लागत होते. आता मात्र शाळा-महाविद्यालयांनी दिलेल्या यादीच्या आधारे एसटी कर्मचारी थेट शाळांमध्ये जाऊन विद्यार्थ्यांना पास वितरित करतील.

🚌 ‘एसटी पास थेट तुमच्या शाळेत’मोहीम
१६ जूनपासून ‘एसटी पास थेट तुमच्या शाळेत’ ही विशेष मोहीम सुरू होत असून, त्याअंतर्गत राज्यभरातील शाळा-महाविद्यालयांना आगाऊ सूचना देण्यात आली आहे की विद्यार्थ्यांची यादी तयार ठेवावी.

🎓 मोफत आणि सवलतीचे पास(ST buspass for students)
शासन विद्यार्थ्यांना ६६.६६% टक्के सवलत देते, म्हणजे फक्त ३३.३३% रक्कम भरून मासिक पास मिळतो.
‘पुण्यश्लोक अहिल्याबाई होळकर’ योजनेअंतर्गत बारावीपर्यंतच्या सर्व मुलींना मोफत एसटी पास देण्यात येतो.

✅ फायदे काय?
शैक्षणिक वेळ वाचणार
रांगेत उभे राहण्याची गरज नाही
पास प्रक्रिया सुलभ आणि सुसंघटित

परिवहन मंत्री प्रताप सरनाईक यांनी सांगितले की, ही योजना म्हणजे शालेय शिक्षणास हातभार लावणारी महत्त्वाची पायरी असून, राज्यातील लाखो विद्यार्थी आणि विद्यार्थिनी याचा लाभ घेणार आहेत.