राज्यात पावसाचा कहर : जायकवाडी धरणाचे २७ दरवाजे उघडले, लाखो क्युसेक पाण्याचा विसर्ग

संभाजीनगर/मुंबई, दि. २८ सप्टेंबर २०२५ – Maharashtra Rain Alert राज्यात पुन्हा एकदा पावसाचा जोर वाढला असून, गोदावरी खोऱ्यात पूरस्थिती निर्माण झाली आहे. आज सकाळी जायकवाडी धरणाचे सर्व २७ दरवाजे तसेच ९ आपत्कालीन दरवाजे उघडण्यात आले आहेत. धरणातून तब्बल १ लाख १३ हजार १८४ क्युसेक पाण्याचा विसर्ग सुरू आहे. या विसर्गामुळे गोदावरी नदीच्या पात्राला मोठा पूर आला असून, किनारपट्टीवरील गावांना प्रशासनाने सतर्कतेचा इशारा दिला आहे.

गोदावरीकाठच्या गावात पाणी शिरले(Maharashtra Rain Alert)

जायकवाडी परिसरातील जायकवाडी, पिंपळवाडी, राहूलनगर या भागातील अनेक घरांमध्ये पाणी घुसले आहे. शेतजमिनीतील उभी पिके जलमय झाल्याने शेतकऱ्यांचे प्रचंड नुकसान झाले आहे. स्थानिक प्रशासन आणि आपत्ती व्यवस्थापन पथके तैनात करण्यात आली आहेत.

मुंबई, ठाणे, पालघर, रायगडला रेड अलर्ट

हवामान खात्याने मुंबई, ठाणे, पालघर आणि रायगड जिल्ह्यांसाठी आज रेड अलर्ट जारी केला आहे.

मुंबईत काल मध्यरात्रीपासून पावसाची रिपरिप सुरू झाली.

पश्चिम उपनगरात सकाळी जोर कमी असला तरी दिवसभर पावसाचा जोर वाढण्याचा अंदाज आहे.

लोकल वाहतूक (Western, Central, Harbor) सध्या सुरळीत असली तरी रस्त्यांवरील वाहतूक संथ गतीने सुरू आहे.

ठाण्यात मुसळधार पाऊस

ठाण्यात रात्रीपासून जोरदार पाऊस सुरू आहे. वंदना डेपो, माजीवाडा, तीन हात नाका भागातील सखल भागात पाणी साचल्याचे चित्र दिसत आहे. वाहतूक व्यवस्थेवर परिणाम होत असून, जिल्हा प्रशासनाने आपत्कालीन यंत्रणा सज्ज ठेवली आहे.कोकणात ऑरेंज, मराठवाडा-विदर्भात यलो अलर्ट रत्नागिरी, सिंधुदुर्ग, कोल्हापूर, सातारा आणि संभाजीनगर जिल्ह्याला ऑरेंज अलर्ट देण्यात आला आहे.

तर मराठवाडा आणि विदर्भातील सर्व जिल्ह्यांना यलो अलर्ट जारी करण्यात आला आहे.या भागात मुसळधार ते अतिमुसळधार पावसाची शक्यता वर्तवली गेली आहे.

नागरिकांसाठी महत्वाच्या सूचना

हवामान विभाग आणि आपत्ती व्यवस्थापन प्राधिकरणाने नागरिकांना खालील सूचना दिल्या आहेत :

अधिकृत सूचनांचे पालन करावे.

धोकादायक व पूरप्रवण भाग टाळावेत.

वीज पडत असताना झाडाखाली थांबू नये.

नदी-नाल्यांवरून पूराचा पाणीप्रवाह सुरू असताना रस्ता ओलांडू नये.

अफवांवर विश्वास ठेवू नये.

आवश्यक असल्यास स्थानिक निवारा केंद्रांचा वापर करावा.

अनावश्यक प्रवास व पर्यटन टाळावे.

आपत्कालीन संपर्क क्रमांक

धाराशीव: 02472-227301

बीड: 02442-299299

परभणी: 02452-226400

लातूर: 02382-220204

रत्नागिरी: 7057222233

सिंधुदुर्ग: 02362-228847

पुणे: 9370960061

सोलापूर: 0217-2731012

अहिल्यानगर : 0241-2323844

नांदेड: 02462-235077

रायगड: 8275152363

पालघर: 02525-297474

ठाणे: 9372338827

सातारा: 02162-232349

मुंबई (शहर व उपनगर): 1916 / 022-69403344

सप्टेंबरच्या शेवटच्या आठवड्यातच राज्यात अतिवृष्टीमुळे निर्माण झालेली परिस्थिती चिंताजनक आहे. जायकवाडीचा विसर्ग आणि घाटमाथ्यावरील पाऊस यामुळे नदीपात्रांमध्ये पाणीपातळी वाढण्याची शक्यता आहे. नागरिकांनी प्रशासनाच्या सूचनांचे पालन करून सुरक्षिततेला प्राधान्य द्यावे, असे आवाहन करण्यात आले आहे.