📍 नाशिक, दि. २२ मे २०२५ – New SP of Nashik Rural राज्य सरकारच्या आज जाहीर झालेल्या पोलीस बदल्यांच्या आदेशानुसार, बाळासाहेब पाटील यांची नाशिक ग्रामीणचे नवे पोलीस अधीक्षक म्हणून नियुक्ती करण्यात आली आहे. त्यांनी यापूर्वी पालघर जिल्ह्याचे पोलीस अधीक्षक म्हणून यशस्वी कार्य केले आहे.
👮♂️ सिंहस्थ कुंभमेळ्याच्या पार्श्वभूमीवर महत्त्वाची नेमणूक (New SP of Nashik Rural )
सध्या नाशिकमध्ये येणाऱ्या सिंहस्थ कुंभमेळ्याच्या नियोजनाची तयारी सुरू आहे. याच पार्श्वभूमीवर नाशिक ग्रामीण पोलिस अधीक्षक पदावर कुणाची नियुक्ती होते याकडे सर्वांचे लक्ष लागून होते. या संवेदनशील आणि जबाबदारीच्या पदासाठी अनुभवी अधिकारी म्हणून IPS बाळासाहेब पाटील यांच्यावर विश्वास दाखवण्यात आला आहे.
🔄 विक्रम देशमाने यांची बदली
नाशिक ग्रामीणचे माजी पोलीस अधीक्षक विक्रम देशमाने यांची काही दिवसांपूर्वी बृहन्मुंबईच्या मध्य प्रादेशिक विभागाचे अपर पोलीस आयुक्त म्हणून बदली करण्यात आली होती. त्यांनी फेब्रुवारी २०२४ मध्ये नाशिक ग्रामीणमध्ये कार्यभार स्वीकारला होता.
🗂️ राज्यभरात 14 अधिकाऱ्यांच्या बदल्या
गेल्या आठवड्यात, १६ मे रोजी राज्य शासनाने भारतीय पोलिस सेवेतील १४ वरिष्ठ अधिकाऱ्यांच्या बदल्या जाहीर केल्या होत्या. त्यात देशमाने यांचा समावेश होता. आजच्या आदेशानुसार नाशिक ग्रामीणसह इतर जिल्ह्यांतील पोलीस व्यवस्थेत नव्या नेतृत्वाची नियुक्ती करण्यात आली आहे.
✍️ बाळासाहेब पाटील यांचा कार्यकाळात अपेक्षा
बाळासाहेब पाटील यांच्याकडून नाशिक ग्रामीणच्या कायदा व सुव्यवस्थेचा दर्जा उंचावण्याची तसेच सिंहस्थ २०२७ च्या दृष्टीने सुरळीत व सुरक्षित पोलिसिंगची अपेक्षा आहे.
