नाशिक – कोरोनाच्या सावटा खाली गुदमरणाऱ्या रंगकर्मीनीनी आज मोकळा श्वास घेतला. राज्यसरकाने कोरोनाचे निर्बंध शिथिल केल्यामुळे आज पासून संपूर्ण महाराष्ट्रात नाट्यगृह आणि चित्रपट गृह खुली करण्यात आली. याच पार्श्वभूमीवर नाशिकच्या सार्वजनिक वाचनालयात ज्येष्ठ रंगकर्मी ईश्वर जगताप यांच्या पुढाकाराने आणि सार्वजनिक वाचनालयाचे जयप्रकाश जातेगांवकर नाट्यगृह प्रमुख अभिजित बगदे यांच्या सहकार्याने रंगकर्मींनी जल्लोष साजरा केला.
नाशिकच्या रंगकर्मीचे आवडते सार्वजनिक वाचनालयाच्या परशुराम सायिखेडकर नाट्यमंदिर कोरोनाच्या प्रदीर्घ काळानंतर खुले होणार त्यासाठी सर्व रंगकर्मी प.सा. नाट्यगृहात एकत्रित येऊन नाट्यगृह खुले होण्याचा आनंद व्यक्त केला. ज्येष्ठ अभिनेते दीपक करंजीकर व सौ. विद्या करंजीकर यांच्या शुभहस्ते रंगमंच व नटराज पूजन करून जल्लोषात स्वागत करण्यात आले.
