🥘 मटण चाप मसाला –संडे स्पेशल रेसिपी

रविवारी खवय्यांची पर्वणी! घरीच बनवा झणझणीत मटण चाप मसाला Mutton Chaap Masala Recipe

रविवार आला, की प्रत्येक नॉनव्हेजप्रेमीला लागतो मटण, चिकन किंवा फिशचा सुगंध! त्यातही जर मटण चापचा विषय निघाला, तर तोंडाला पाणी सुटल्याशिवाय राहत नाही. म्हणूनच खास तुमच्यासाठी – घरच्या घरी बनवण्यासाठी सोपी, पण रेस्टॉरंटला मागे टाकणारी “मटण चाप मसाला” रेसिपी!त्यासाठी लागणारे साहित्य कृती पुढे देत आहोत.रेसिपी बनवली कि त्याच्या प्रतिक्रिया नक्की कळवा.

🌶️ साहित्य (Ingredients):Mutton Chaap Masala Recipe

मटण चाप – ५ ते ६ तुकडे
कांदे – २ मध्यम (बारीक चिरून)
टोमॅटो – २ मध्यम (बारीक चिरून)
आलं-लसूण पेस्ट – २ टेबलस्पून
दही – १/२ कप
तेल – ४ टेबलस्पून
लाल तिखट – २ टेबलस्पून
हळद – १/२ टीस्पून
धने-जिरे पावडर – १ टीस्पून
गरम मसाला – १ टीस्पून
मीठ – चवीनुसार
कोथिंबीर – सजावटीसाठी

🍳 कृती (Instructions):

1. मटणाची तयारी:
मटण चाप स्वच्छ धुऊन त्यात मीठ, हळद, दही आणि अर्धी आलं-लसूण पेस्ट घालून १ तास मॅरिनेट करून ठेवा.
2. कांदा व टॉमॅटो बेस:
कढईत तेल गरम करून त्यात कांदे सोनेरी रंग येईपर्यंत परतून घ्या. नंतर त्यात उरलेली आलं-लसूण पेस्ट घालून २ मिनिटं परतून घ्या.
3. मसाला तयार करा:
त्यात टोमॅटो, लाल तिखट, हळद, धने-जिरे पावडर आणि मीठ घालून मसाला तेल सुटेपर्यंत परतवा.
4. मटण शिजवणे:
मॅरिनेट केलेले मटण चाप मसाल्यात घालून मंद आचेवर ३०-४० मिनिटं झाकून शिजवा. गरज भासल्यास थोडं पाणी घाला.
5. अंतिम टच:
शेवटी गरम मसाला आणि चवीनुसार मीठ घालून ५ मिनिटं दम द्या.
6. सजावट व सर्व्हिंग:
वरून कोथिंबीर घालून गरम गरम भाकरी, तांदळाचा भात किंवा पराठ्यासोबत सर्व्ह करा.

🍽️ टीप (Tips):

मटण चाप चांगले शिजले पाहिजे – झाकून आणि मंद आचेवर शिजवणे उत्तम.
मसाला घट्ट हवा असल्यास पाणी कमी वापरा.
तुम्ही हंडी किंवा प्रेशर कुकरमध्येही शिजवू शकता..

अदिती ओझरकर