ठाकरे गटाला नाशिकमध्ये मोठा धक्का; ‘या’ नगरसेवकांचा भाजपात प्रवेश

मुंबई, दि. ३ जुलै २०२५ — Nashik Politics 2025 नाशिक महापालिका निवडणुकीच्या तोंडावर शिवसेना (ठाकरे गट) ला जबर धक्का बसला आहे. महापालिकेतील माजी नगरसेवक आणि प्रमुख पदाधिकाऱ्यांनी आज भाजपात प्रवेश केला असून हे नक्कीच ठाकरे गटासाठी मोठे संकट आहे.

आज मुंबई भाजप प्रदेश कार्यालयात झालेल्या भाजप मेगा प्रवेश सोहळ्यात राष्ट्रवादी शरद पवार गटाचे माजी सभापती गणेश गीते, तसेच ठाकरे गटाचे माजी नगरसेवक आणि पदाधिकारी प्रशांत दिवे, सीमा ताजने, कमलेश बोडके, सचिन मराठे आणि कन्नु ताजने यांनी भाजपमध्ये प्रवेश केला.

🔴 प्रवेश रोखलेले नेते:(Nashik Politics 2025)
सुनील बागुल (ठाकरे गट उपनेते) आणि मामा राजवाडे (महानगर प्रमुख) यांचा भाजप प्रवेश तात्पुरता थांबवण्यात आला आहे. कारण, या दोघांवर नाशिकमध्ये नुकतीच मारहाणीची तक्रार दाखल झाली आहे. त्यामुळे भाजपने संयम घेत प्रवेश थांबवला आहे.

⚡ संजय राऊत यांचा टीकास्त्र:

भारतीय जमवा जमव पार्टी ची कमाल आहे:
नाशिक मध्ये शिवसेना पदाधीकारायांवर आधी खोटे गुन्हे दाखल केले.हे सर्व पदाधिकारी अटकपूर्व जामिनासाठी न्यायालयात गेले. पोलिस अटक करतील म्हणून हे सगळे जण फरार झाले…
क्लायमॅक्स असा की::
हे सगळे फरार ( भाजपा साठी गुन्हेगार) आज भाजपात प्रवेश करत…

— Sanjay Raut (@rautsanjay61) July 3, 2025

या पार्श्वभूमीवर ठाकरे गटाचे खासदार संजय राऊत यांनी सोशल मीडियावरून भाजपवर जोरदार टीका केली.

“भारतीय जमवा जमव पार्टीची कमाल आहे… खोटे गुन्हे दाखल करून मगच भाजप प्रवेश मिळतो! सत्ता, पैसा, दहशतशाही याच्यावर महाराष्ट्र चालतोय.”

पक्ष विरोधी कारवाया केल्या बद्दल उपनेते सुनील बागुल यांची शिवसेना (U B T) पक्षातून हकालपट्टी करण्यात आली आहे,शिवसेना पक्षप्रमुख उद्धव ठाकरे यांच्या आदेशाने ही कारवाई करण्यात आली आहे.

— Sanjay Raut (@rautsanjay61) July 3, 2025

📌 भाजप प्रवेश केलेल्या प्रमुख नेत्यांची यादी:
गणेश गीते – माजी स्थायी समिती सभापती (NCP – शरद पवार गट)

सचिन मराठे – उपजिल्हाप्रमुख, माजी नगरसेवक (ठाकरे गट)

प्रशांत दिवे – माजी नगरसेवक (ठाकरे गट)

सीमा ताजने – माजी नगरसेविका (ठाकरे गट)

कमलेश बोडके – माजी नगरसेवक (ठाकरे गट)

कन्नु ताजने – उपजिल्हा प्रमुख (ठाकरे गट)

🔍 राजकीय संदर्भ:
मामा राजवाडे यांना फक्त चार दिवसांपूर्वीच शिवसेना (ठाकरे गट)  महानगर प्रमुखपद देण्यात आले होते.

भाजपने शिंदे गटासोबत मिळून ठाकरे गटाची ताकद हळूहळू कमकुवत करण्यास सुरूवात केली आहे.

महायुतीचा वाढता प्रभाव आणि आगामी स्थानिक स्वराज्य निवडणुका लक्षात घेता, हे पक्षांतर महत्त्वाचे मानले जात आहे.

नाशिकमध्ये शिवसेना ठाकरे गटाला मोठे खिंडार पडले आहे. माजी पदाधिकारी आणि नगरसेवकांच्या भाजप प्रवेशामुळे पक्षासाठी डॅमेज कंट्रोल करणे कठीण होणार आहे. आता ठाकरे गटाचे पुढचे पाऊल काय असणार, याकडे सर्वांचे लक्ष लागले आहे.

नाशिक शिवसेना महानगर प्रमुखपदी प्रथमेश गीते
दरम्यान नाशिक शिवसेना महानगर प्रमुख पदी प्रथमेश गीते यांची नियुक्ती केल्याचे जाहीर करण्यात आले आहे

शिवसेना पक्षप्रमुख उद्धव ठाकरे यांच्या आदेशाने प्रथमेश गीते यांची नाशिक महानगर प्रमुख म्हणून नियुक्ती करण्यात आली आहे!
जय महाराष्ट्र! pic.twitter.com/4xNgFYRagj

— Sanjay Raut (@rautsanjay61) July 3, 2025