ज्योतिषी मंगेश पंचाक्षरी, नाशिक (Marathi daily horoscope)
वैशाख कृष्ण त्रयोदशी / चतुर्दशी.
पराभव नाम संवत्सर. शके १९४८, संवत २०८२.
⏰ राहुकाळ – सकाळी १०.३० ते दुपारी १२.००
आज क्षय तिथी आहे.
🌙 चंद्रनक्षत्र – अश्विनी / (रात्री ८.१५ नंतर) भरणी.
🌟 आज जन्मलेल्या बाळाची राशी – मेष.
🔭 चंद्र केंद्र प्लूटो योग.
🪔 राशिभविष्य (Marathi daily horoscope)
मेष:- (चू,चे,चो,ला,ली,ले,लो,आ) आज चंद्र तुमच्या राशीत असल्याने आत्मविश्वास वाढणार आहे. महत्त्वाचे निर्णय धाडसाने घ्याल. चंद्र केंद्र प्लूटो योगामुळे मनात अचानक बदल होण्याची शक्यता आहे. प्रेमसंबंधात गोडवा वाढेल. मात्र रागावर नियंत्रण ठेवणे आवश्यक आहे. आर्थिक लाभाचे संकेत आहेत.
वृषभ:- (इ,उ,ए,ओ, वा,वी,वू,वे,वो) व्ययस्थानी चंद्र असल्याने खर्च वाढू शकतो. काही जुने विषय मनाला अस्वस्थ करतील. तरीही ग्रहमान अनुकूल असल्याने अडचणींवर मात कराल. गुप्त शत्रूपासून सावध राहा. धार्मिक कार्यात मन रमणार आहे.
मिथुन:- (का,की,कु,घ,गं,छा,के,को,हा) लाभस्थानी चंद्र आल्याने मित्रांकडून सहकार्य मिळेल. तुमची वक्तृत्वशैली आज इतरांना प्रभावित करेल. नवीन ओळखी लाभदायक ठरतील. व्यवसायात प्रगतीचे संकेत आहेत. मात्र अति आत्मविश्वास टाळा.
कर्क:- (हु,हे,हो,डा,डी,डु,डे,डो) कर्मस्थानी चंद्र असल्याने नोकरी व व्यवसायात व्यस्तता वाढेल. वरिष्ठांकडून कौतुक मिळू शकते. घरातील जबाबदाऱ्या पार पाडताना थकवा जाणवेल. आर्थिक स्थिती सुधारेल. मनातील चिंता मात्र पूर्णपणे दूर होणार नाही.
सिंह:- (मा,मी,मू,मे,मो,टा,टी,टू,टे) भाग्यस्थानी चंद्र असल्याने आजचा दिवस उत्साहवर्धक आहे. प्रवासाचे योग संभवतात. धार्मिक किंवा आध्यात्मिक कार्यात रुची वाढेल. विद्यार्थ्यांना यश मिळेल. प्रिय व्यक्तीकडून आनंददायक बातमी मिळू शकते.
कन्या:- (टो,पा,पी,पू,षा,णा,ठा,पे,पो) अष्टमस्थानी चंद्र असल्याने मन काहीसे अस्थिर राहील. अचानक खर्च उद्भवू शकतो. आरोग्याची काळजी घ्या. मात्र प्लूटो योगामुळे संशोधन, गूढ विषय किंवा तांत्रिक कामात यश मिळेल. वादविवाद टाळा.
तुळ:- (रा,री,रु,रे,तो,ता,ती,तू,ते) सप्तमस्थानी चंद्र असल्याने जोडीदारासोबत वेळ आनंदात जाईल. भागीदारीच्या कामात लाभ संभवतो. मनातील संभ्रम दूर होईल. वैवाहिक चर्चांना गती मिळेल. मात्र हट्टीपणा टाळणे हिताचे ठरेल.
वृश्चिक:- (तो,ना,नी,नू,ने,नो,या,यी,यु) षष्ठस्थानी चंद्र असल्याने कामाचा ताण वाढेल. विरोधकांवर मात करण्यात यश मिळेल. आरोग्य सुधारण्याकडे लक्ष द्याल. महिलांकडून सहकार्य मिळेल. आर्थिक लाभ संभवतो, मात्र खर्चही वाढतील.
धनु:- (ये,यो,भा,भी,भु,धा,फा,ढा,भे) पंचमस्थानी चंद्र असल्याने कला, साहित्य आणि छंद यात मन रमणार आहे. प्रेमसंबंधात सकारात्मक घडामोडी होतील. विद्यार्थ्यांना चांगले यश मिळेल. मुलांकडून आनंदाची बातमी मिळू शकते. वाहन चालवताना काळजी घ्या.
मकर:- (भो,जा,जी,खी,खु,खे,खो,गा,गी) चतुर्थस्थानी चंद्र असल्याने घरगुती कामांकडे लक्ष द्यावे लागेल. स्थावर मालमत्तेच्या बाबतीत लाभदायक घटना घडतील. आईच्या आरोग्याची काळजी घ्या. मानसिक समाधान लाभेल. खर्चाचे नियोजन आवश्यक आहे.
कुंभ:- (गु,गे,गो,सा,सी,सु,से,सो,दा) तृतीयस्थानी चंद्र असल्याने धाडस आणि आत्मविश्वास वाढेल. भावंडांचे सहकार्य लाभेल. छोट्या प्रवासाचे योग आहेत. लेखन, पत्रकारिता, कला क्षेत्रातील व्यक्तींना लाभ होईल. मात्र बोलण्यात संयम आवश्यक आहे.
मीन:- (दी,दू,झा,ज्ञा,था,दे,दो,चा,ची) द्वितीयस्थानी चंद्र असल्याने आर्थिक लाभाचे योग आहेत. कुटुंबीयांसोबत आनंददायक वेळ जाईल. वाणीचा प्रभाव वाढेल. नवीन खरेदी करण्याची इच्छा पूर्ण होईल. मात्र अति भावनिक होऊन निर्णय घेऊ नका.
(कुंडलीवरून करियर, लग्न, व्यवसाय आणि इतर मार्गदर्शन, ‘राशीभाव’ या कार्यक्रमाचे बुकिंग आणि तुमच्या राशीच्या स्वभावाबद्दल जाणून घ्या. “राशीभाव” या फेसबुक पेजला भेट द्या. व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. – .ज्योतिषी मंगेश पंचाक्षरी, नाशिक 8087520521)
