Nashik:आंतरराष्ट्रीय किर्तीचे चित्रकार राजेश सावंत यांना महाराष्ट्र शासनाचा सर्वोत्कृष्ट कलाध्यापकाचा राज्य पुरस्कार जाहीर

नाशिक,दि,२ सप्टेंबर २०२४ –महाराष्ट्र शासन शालेय शिक्षण व क्रीडा विभाग तर्फे क्रांतीज्योती सावित्रीमाई फुले राज्य शिक्षक गुणगौरव पुरस्कार २०२३-२४ अंतर्गत संपूर्ण महाराष्ट्रातून सर्वोत्कृष्ट “एका कला शिक्षकाला” दिला जाणारा आदर्श कलाध्यापक राज्य पुरस्कार श्री डी डी बिटको बॉईज हायस्कूल व जुनिअर कॉलेज नाशिक येथील कलाध्यापक श्री राजेश भीमराज सावंत यांना नुकताच शासनाने जाहीर केला आहे.

रुपये एक लाख दहा हजार व प्रमाणपत्र असे पुरस्काराचे स्वरूप असून हा राज्य पुरस्कार येत्या ५ सप्टेंबरला मुंबई येथील शासकीय कार्यक्रमात राज्याचे मुख्यमंत्री एकनाथ शिंदे यांच्या शुभहस्ते दिला जाणार आहे, उपमुख्यमंत्री.देवेंद्र फडणवीस उपमुख्यमंत्री अजितदादा पवार , शिक्षण मंत्री दीपक केसरकर तसेच इतर मान्यवर मंत्र्यांच्या प्रमुख उपस्थितीमध्ये शासकीय कार्यक्रमात हा सन्मान दिला जाणार आहे.

राजेश सावंत यांना प्राप्त होणारा सदर राज्य पुरस्कारचा हा शासकीय सन्मान त्यांच्यासह त्यांच्या संस्था व शाळा सह तमाम नाशिकरांचा शैक्षणिक क्षेत्रातील ऐतिहासिक बहुमान वाढवणारा आहे राजेश भीमराज सावंत यांना मिळालेल्या पुरस्कारामुळे नाशिकच्या शिरपेचात मानाचा तुरा रोवला गेल्याची भावना कलाक्षेत्रातून व्यक्त होत आहे.