ज्योतिषी मंगेश पंचाक्षरी, नाशिक (Today’s Rashi Bhavishya Marathi)
वैशाख अमावस्या.,पराभव नाम संवत्सर. शके १९४८, संवत २०८२.
राहुकाळ – सकाळी ९.०० ते सकाळी १०.३०
“आजचा दिवस आध्यात्मिक दृष्ट्या महत्त्वपूर्ण आहे.”दर्श – भावूका अमावस्याशनैश्वर जयंती.
नक्षत्र – भरणी / (संध्याकाळी ५.३० नंतर) कृतिका.
आज जन्मलेल्या बाळाची राशी – मेष / (रात्री १०.४७ नंतर) वृषभ. (चतुष्पाद, नाग करण अशुभ)
रवी युती चंद्र.
चंद्र लाभ गुरू योग.
राशिभविष्य (Today’s Rashi Bhavishya Marathi)
मेष:- (चू,चे,चो,ला,ली,ले,लो,आ) आज तुमच्या राशीत चंद्र आणि रवी युती असल्याने मानसिक अस्वस्थता वाढू शकते. स्वभावात चिडचिड जाणवेल. मात्र गुरूची लाभदृष्टी आर्थिक बाबतीत मदत करेल. नवीन कामाचा प्रारंभ करताना विचारपूर्वक निर्णय घ्या. रात्रीनंतर परिस्थितीत सुधारणा जाणवेल.
वृषभ:- (इ,उ,ए,ओ,वा,वी,वू,वे,वो) आज व्ययस्थानी चंद्र असल्याने खर्च वाढू शकतो. काही गोष्टी गुप्त ठेवणे हिताचे ठरेल. आध्यात्मिक कार्यात मन रमणार आहे. रात्रीनंतर चंद्र तुमच्या राशीत येत असल्याने आत्मविश्वास वाढेल. आरोग्याची काळजी घ्या.
मिथुन:- (का,की,कु,घ,गं,छा,के,को,हा) लाभस्थानी चंद्र असल्याने मित्र आणि सहकाऱ्यांचे सहकार्य मिळेल. अचानक आर्थिक लाभ होण्याची शक्यता आहे. नवीन ओळखी लाभदायक ठरतील. मात्र भावनिक निर्णय टाळा. आज तुमच्या कल्पनाशक्तीला उत्तम वाव मिळेल.
कर्क:- (हु,हे,हो,डा,डी,डु,डे,डो) कर्मस्थानी चंद्र असल्याने कामाचा व्याप वाढेल. वरिष्ठांकडून अपेक्षा वाढतील. व्यवसायात चांगली प्रगती होईल. कौटुंबिक जबाबदाऱ्या वाढू शकतात. आर्थिक लाभ असूनही खर्चाचे प्रमाण वाढणार आहे.
सिंह:- (मा,मी,मू,मे,मो,टा,टी,टू,टे) भाग्यस्थानी चंद्र असल्याने नशीबाची साथ लाभेल. धार्मिक किंवा आध्यात्मिक प्रवासाचे योग आहेत. गुरूची अनुकूलता विद्यार्थ्यांना लाभदायक ठरेल. प्रिय व्यक्तीकडून आनंददायक बातमी मिळू शकते. अहंकार टाळावा.
कन्या:- (टो,पा,पी,पू,षा,णा,ठा,पे,पो) अष्टमस्थानी चंद्र असल्याने मानसिक तणाव वाढू शकतो. आरोग्याच्या बाबतीत निष्काळजीपणा करू नका. अचानक खर्च संभवतात. मात्र संशोधन, गूढ विषय किंवा तांत्रिक क्षेत्रात यश मिळू शकते. वाहन चालवताना काळजी घ्या.
तुळ:- (रा,री,रु,रे,तो,ता,ती,तू,ते) सप्तमस्थानी चंद्र असल्याने वैवाहिक आणि भागीदारीच्या बाबतीत अनुकूलता लाभेल. जोडीदारासोबत वेळ आनंदात जाईल. व्यवसायिक व्यवहारात सावधगिरी आवश्यक आहे. काही गैरसमज निर्माण होऊ शकतात.
वृश्चिक:- (तो,ना,नी,नू,ने,नो,या,यी,यु) षष्ठस्थानी चंद्र असल्याने कामाचा ताण वाढेल. विरोधकांवर मात करण्यात यश मिळेल. आरोग्य सुधारण्यासाठी प्रयत्न कराल. महिलांकडून सहकार्य मिळेल. कर्ज व्यवहारात सावध राहा.
धनु:- (ये,यो,भा,भी,भु,धा,फा,ढा,भे) पंचमस्थानी चंद्र असल्याने कला, साहित्य आणि छंद यात मन रमणार आहे. प्रेमसंबंधात प्रगती होईल. विद्यार्थ्यांना यश मिळेल. संततीसंबंधित आनंददायक बातमी मिळू शकते. आर्थिक लाभाचे संकेत आहेत.
मकर:- (भो,जा,जी,खी,खु,खे,खो,गा,गी) चतुर्थस्थानी चंद्र असल्याने घरगुती वातावरणात बदल जाणवतील. स्थावर मालमत्तेच्या बाबतीत लाभ होऊ शकतो. आईच्या आरोग्याची काळजी घ्या. मानसिक समाधानासाठी शांत राहणे आवश्यक आहे.
कुंभ:- (गु,गे,गो,सा,सी,सु,से,सो,दा) तृतीयस्थानी चंद्र असल्याने धाडस आणि आत्मविश्वास वाढेल. भावंडांचे सहकार्य मिळेल. छोट्या प्रवासाचे योग संभवतात. लेखन, पत्रकारिता आणि कला क्षेत्रात यश मिळेल. मात्र बोलण्यात संयम ठेवावा.
मीन:- (दी,दू,झा,ज्ञा,था,दे,दो,चा,ची) द्वितीयस्थानी चंद्र असल्याने आर्थिक लाभ होतील. कुटुंबीयांसोबत आनंददायक वेळ जाईल. वाणीचा प्रभाव वाढेल. नवीन खरेदी करण्याची इच्छा पूर्ण होईल. मात्र अति भावनिक होऊन निर्णय घेऊ नका.
(कुंडलीवरून करियर, लग्न, व्यवसाय आणि इतर मार्गदर्शन, ‘राशीभाव’ या कार्यक्रमाचे बुकिंग आणि तुमच्या राशीच्या स्वभावाबद्दल जाणून घ्या. “राशीभाव” या फेसबुक पेजला भेट द्या. व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. – .ज्योतिषी मंगेश पंचाक्षरी, नाशिक 8087520521)
