आजही नाशिक जिल्ह्यातील कोरोनाच्या रुग्णसंख्येत वाढ १२८ नवे रुग्ण तर ४ जणांचा मृत्यू 

नाशिक  शहरात ३५ नवे रुग्ण : जिल्ह्यातील एकूण ऍक्टिव्ह रुग्ण ९७८

मागील २४ तासात : जिल्ह्यात २०९ कोरोना मुक्त : ९१३ कोरोनाचे संशयित : रुग्ण बरे होण्याचे प्रमाण ९७.६४ %

नाशिक – नाशिक जिल्ह्यातील कोरोनाच्या रुग्ण संख्येत आज ही वाढ बघायला मिळते आहे.काही दिवसा पासून दररोज शंभरच्या खाली येणारी रुग्णसंख्या आता गेल्या दोन ते तीन दिवसांपासून शंभरच्या वर जात आहे. हि चिंतेची बाब आहे नागरीकांनी त्रीसुत्रीचे पालन करावे असे आवाहन सातत्याने प्रशासनाकडून केले जात असले तरी अनेक नागरीकांना या त्रिसूत्रीचा विसर पडल्याचे चित्र दिसते आहे.गणेशोत्सव जवळ आल्यामुळे शहरातील बाजारपेठमध्ये गर्दी वाढत आहे.मृत्यू दर कमी असला तरी काही दिवसापासून नाशिक जिल्ह्यातील रुग्णसंख्येत वाढ होणे हि सणासुदीच्या पार्श्वभूमीवर धोक्याची सूचना आहे की काय असा प्रश्न पडला आहे . 

आज नाशिक जिल्ह्यात १२८ कोरोना बाधित रुग्ण आढळले आहेत.त्यापैकी  नाशिक शहरात नव्या रुग्णांची संख्या ३५ झाली आहे.तर जिल्ह्यात आज २०९ जण कोरोना मुक्त झाले.आज जिल्ह्यात कोरोनामुळे ४ जणांचा मृत्यू झाला.आज मात्र ७२४ जणांचे कोरोनाचे अहवाल येणे प्रतीक्षेत आहे.