महायुतीचे उमेदवार ॲड.राहुल ढिकले,प्रा.देवयानी फरांदे,सीमा हिरे आज उमेदवारी अर्ज दाखल करणार

नाशिक,दि,२८ ,ऑक्टोबर २०२४ – भारतीय जनता पार्टीचे केंद्रीय सरचिटणीस विनोद तावडे नाशकात येत असून त्यांच्या उपस्थितीत आज दिनांक २८ ऑक्टोबर २०२४  रोजी नाशिक  पूर्व मतदार संघ १२३ येथून ॲड.राहुल ढिकले, नाशिक मध्य मतदार संघ १२४ मधून आमदार प्रा.देवयानी फरांदे व नाशिक पश्चिम मतदार संघ  १२५ मधून  आमदार सीमा हिरे आपला उमेदवारी अर्ज जिल्हाधिकारी कार्यालयात सादर करणार आहेत अशी माहिती भाजपचे नाशिक महानगराध्यक्ष प्रशांत जाधव यांनी दिली.

याप्रसंगी महायुतीचे उमेदवारांनी कार्यकर्ते व पदाधिकाऱ्यांनी आपापल्या मतदार संघातील उमेदवाराच्या रॅलीत मोठ्या संख्येने उपस्थित राहावे असे आवाहनही नाशिक महानगर अध्यक्ष प्रशांत जाधव यांनी केले आहे. सलग तिसऱ्यांदा भारतीय जनता पार्टी ने तिन्ही विद्यमान आमदारांना महायुतीची उमेदवारी दिली आहे. त्यांच्या कार्यपद्धतीवर पक्षाने तिसऱ्यांदा विश्वास दाखवल्याबद्दल महायुतीच्या कार्यकर्ते पदाधिकारी व लोकप्रतिनिंकडून अभिनंदनच होत आहे असे शेवटी जाधव यांनी म्हटले आहे