ज्योतिषी मंगेश पंचाक्षरी, नाशिक(Marathi Rashi Bhavishya)
भाद्रपद शुक्ल षष्ठी / सकाळी १०.४८ नंतर सप्तमी. वर्षा ऋतू. क्रोधीनाम संवत्सर.
“आज संध्याकाळी ८.०० पर्यंत चांगला दिवस आहे”
चंद्र नक्षत्र – अनुराधा / संध्याकाळी ९.५४ नंतर ज्येष्ठ. राशी – वृश्चिक.
गौरी आवाहन.
चंद्र लाभ बुध, चंद्र त्रिकोण शनी, चंद्र प्रतियुती हर्षल.
१७ सप्टेंबर रोजी जन्मलेल्या व्यक्तींची वैशिष्ट्ये (Marathi Rashi Bhavishya)
तुमच्यावर शनि आणि बुध या ग्रहांचा प्रभाव आहे. त्यामुळे जीवनात बऱ्याच वेळेला कोणतीही गोष्ट वेळच्यावेळी होत नाही. तुमचे ध्येय आणि महत्त्वाकांक्षा उच्च प्रतीच्या असतात. तुम्हाला परंपरा आणि रूढी फारशा आवडत नाहीत. धर्म, परंपरा याबद्दल तुमच्या कल्पना जरा चमत्कारिक असू शकतात. तुम्हाला ठराविक चाकोरीतून जाणे आवडत नाही. तुमचे विचार क्रियाशील आणि विधायक असतात. तुम्ही एक चांगले संघटक आहात. तुम्ही शांतता प्रिय असून लोकांच्या आणि समाजाच्या कल्याणाकरता प्रयत्न करतात. गूढ विद्या, हिप्नॉटिझम अशाबद्दल तुम्हाला आकर्षण असते. तुमचे व्यक्तिमत्व प्रभावी असून धाडसी आणि तुम्ही स्वाभिमानी आहात. भावनांच्या बाबतीत मात्र तुम्ही काहीसे थंड असतात. ज्ञान, संशोधन याकडे तुमचा ओढा असतो. काही वेळा तुमच्यातला भित्रेपणा तुम्हाला धक्का देतो याचे मुख्य कारण म्हणजे तुम्हाला नेतृत्व गाजवण्याची हौस असली तरी तुमच्यातील अत्यंत भावनिक गोष्टींचा तुम्हाला विसर पडतो. तुम्ही खूप जोरदार प्रयत्न केल्यास कोणतीही गोष्ट अशक्य नाही. स्वतःच्या कल्पनेत आणि विचारातून तुम्हाला यश मिळते. शिस्त, गांभीर्य, दृढपणा आणि कर्तव्याची जाण तुमच्यामध्ये आहे. तुम्ही अत्यंत विचारी आणि स्थिर वृत्तीचे आहात. तुमचे विचार समतोल असून कोणत्याही प्रश्नाची दुसरी बाजू बघण्याकडे तुमचा कल असतो. तुमच्याबद्दल इतरांचे बरेच गैरसमज होतात. तुम्ही महत्त्वाकांक्षी असून सतत कामात मग्न राहणे तुम्हाला आवडते. तुम्ही धोरणी, हुशार, कार्यशील आणि दुर्बल लोकांबद्दल आदर दाखवणारे आहात. तुम्हाला निसर्ग सौंदर्य, फुले आणि संगीत यांची आवड असते. तुमचे व्यक्तिमत्व प्रसन्न आहे. तुम्ही एक उत्तम व्यवस्थापक असतात आणि इतरांकडून काम करून घेणे तुम्हाला चांगले जमते. तुम्ही न्यायप्रिय आहात मात्र तुम्हाला अनेकदा नैराश्य जाणवते आणि जीवनामध्ये एकाकी वाटते. तुमच्यामध्ये अधिकार, वचक आणि जोम या गोष्टी भरपूर आहेत. व्यवहारातील सर्व गोष्टी सुलभ पणे हाताळण्यात तुम्हाला यश येते. आर्थिक बाबतीत तुम्ही काळजीपूर्वक नियोजन करतात, इतरांना तुमची मदत होते कारण इतरांचे दुःख तुम्ही चांगल्या प्रकारे समजून घेऊ शकतात. आपण जीवनात अधिकार गाजवावे असे तुम्हाला कायम वाटते. तुम्ही दिर्घउद्योगी आहात. लोकांची नावे आणि चेहरे लक्षात ठेवण्यात तुम्ही तरबेज असतात.
व्यवसाय:- भौतिक, रसायन, वैद्यकीय शास्त्र, गणित, पतपेढी व्यवस्थापक, पॅथॉलॉजी, जिथे तर्कनिष्ठता आणि बुद्धी लागते असे क्षेत्र तसेच वकिली.
शुभ दिवस:- बुधवार, गुरुवार, शनिवार.
शुभ रंग:- निळा, जांभळा, हिरवा, राखाडी.
शुभ रत्न:- इंद्रनील, पाचू लसण्या, अमेथीस्ट.
(रत्ने घेताना कुंडलीचा देखील उपयोग करा)
राशिभविष्य
मेष:-(चू,चे,चो,ला,ली,ले,लो,आ) अनुकूल दिवस आहे. महत्त्वाची कामे मार्गी लागतील. आर्थिक लाभ होतील. वरिष्ठांचे सहकार्य मिळेल.
वृषभ:- (इ,उ,ए,ओ, वा,वी,वू,वे,वो) कामाच्या ठिकाणी प्रगती होईल. नवीन जबाबदारी मिळू शकते. आर्थिक स्थिती सुधारेल. प्रवास घडतील.
मिथुन:- (का,की,कु,घ,गं, छा,के,को,हा) भाग्याची साथ मिळेल. मेहनतीचे फळ मिळेल. धार्मिक कार्यात सहभागी व्हाल. एखादी चांगली बातमी मिळेल.
कर्क:-(हु,हे,हो,डा,डी,डु,डे, डो) संमिश्र दिवस आहे. कौटुंबिक सौख्य लाभेल. आर्थिक व्यवहार जपून करा. आरोग्याची काळजी घ्या.
सिंह:- (मा,मी,मू,मे,मो,टा, टी, टू, टे) अनुकूल ग्रहमान आहे. नोकरी-व्यवसायात प्रगती होईल. सरकारी कामे मार्गी लागतील. जोडीदाराचे सहकार्य मिळेल.
कन्या:- (टो, पा,पी,पू,षा णा,ठा,पे,पो) आर्थिक लाभ होतील. प्रवास कार्यसाधक ठरतील. कामातील अडथळे दूर होतील. नवीन संधी मिळू शकतात.
तुळ:-(रा,री,रु,रे,तो,ता,ती,तू,ते) दिवस आनंददायी आहे. संततीकडून चांगली बातमी मिळेल. आर्थिक लाभ होतील. गुंतवणुकीत फायदा होऊ शकतो.
वृश्चिक:- (तो,ना,नी,नू, ने,नो,या,यी,यु) तुमच्याच राशीत चंद्र आहे. आत्मविश्वास वाढेल. महत्त्वाची कामे पूर्ण होतील. नवीन संधी मिळतील. मात्र अनावश्यक घाई टाळा.
धनु:-(ये,यो,भा,भी,भु,धा,फा,ढा,भे) आर्थिक बाजू मजबूत होईल. कामात यश मिळेल. शत्रूंचा त्रास कमी होईल. गुपिते कोणाशीही बोलू नका.
मकर:- (भो,जा,जी,खी, खु,खे,खो,गा,गी) दिवस चांगला आहे. व्यवसायात लाभ होईल. मेहनतीचे योग्य फळ मिळेल. प्रेमप्रकरणात संयम ठेवावा.
कुंभ:- (गु,गे,गो,सा, सी,सु,से,सो,दा) घरगुती कामात वेळ जाईल. मित्रांचे सहकार्य मिळेल. आर्थिक व्यवहारात फायदा होईल. मौल्यवान वस्तूंची काळजी घ्या.
मीन:- (दी, दू, झा,ज्ञा,था, दे,दो, चा,ची) संमिश्र दिवस आहे. काही सुखद अनुभव येतील. कलाकारांना चांगल्या संधी मिळतील. सरकारी कामे मार्गी लागतील.
(कुंडलीवरून करियर, लग्न, व्यवसाय आणि इतर मार्गदर्शन, ‘राशीभाव’ या कार्यक्रमाचे बुकिंग आणि तुमच्या राशीच्या स्वभावाबद्दल जाणून घ्या. “राशीभाव” या फेसबुक पेजला भेट द्या. व्यवसाय, भागीदार, मित्र, जोडीदार, या तारखेला जन्मलेली व्यक्ती पती किंवा पत्नी म्हणून कशी असेल तसेच तुमचा स्वभाव, भाग्योदय, आजार, तुमची शक्तीस्थाने, कमतरता, शुभ रत्ने इत्यादी माहिती अगदी अल्प किमतीत जाणून घ्या. कुंडली परीक्षण करण्यासाठी कृपया संपर्क करा. – .ज्योतिषी मंगेश पंचाक्षरी, नाशिक 8087520521)
