मुंबई | १९ जुलै २०२५ – Tula Japnar Aahe episode झी मराठीवरील लोकप्रिय आणि गूढतेने भरलेली मालिका ‘तुला जपणार आहे’ आता एका अत्यंत नाट्यमय वळणावर येऊन पोहोचली आहे. मालिकेत देवी आजीच्या आगमनाने वातावरण आधीच भारलेले असतानाच, आता अंबिका आणि मीराच्या संबंधातील एक गंभीर आणि चकित करणारे सत्य समोर येणार आहे.
देवी आजीने पुन्हा एकदा संपूर्ण कुटुंबाला एकत्र आणण्याचा प्रयत्न करत, मीराला व अंबिकाला एकत्र राहण्यास सांगितले. ही एकता केवळ कौटुंबिक शांतीसाठी नव्हे, तर कोणत्यातरी अदृश्य संकटाला तोंड देण्यासाठी आवश्यक असल्याची जाणीव प्रेक्षकांना होऊ लागली आहे. देवी आजीच्या मृत्यूनंतर, संपूर्ण कुटुंब जेव्हा पूजेची तयारी करत असते, तेव्हा घडतो एक मोठा स्फोटक प्रसंग.
वेदावर मायाचा प्रभाव असल्यामुळे ती अचानक अथर्ववर आरोप करते की, त्यानेच तिच्या आईचा – अंबिकाचा – खून केला आणि आता मीरा देखील सुरक्षित नाही. हे ऐकून अथर्व हादरतो, आणि मीरा पूर्णतः खचून जाते. घरातल्या वातावरणावर काळजी आणि भीतीचं गारूड पसरतं.
दरम्यान, मंदिरात मंजिरीचं पाऊल टाकताच तिच्या शरीरावर जखमा उमटतात. हे अघटित अंबिका व मीराच्या शक्तीमुळे घडतंय. मर्जारी मंजिरीला थेट इशारा देते – “जर तू पवित्र विधींमध्ये सहभागी झालीस, तर तुझं खऱं राक्षसी रूप समोर येईल!” मंजिरीचं काळजाचं धडधडणं सुरू होतं, आणि तिची असुरक्षितता वाढत जाते.
या घडामोडींच्या पार्श्वभूमीवर मीरावर आरोप होतो की तिनेच वेदा आणि अथर्वमध्ये दुरावा निर्माण केला आहे. तिच्यावर विश्वास ठेवण्यास कोणी तयार नसताना अंबिका मात्र तिच्या बाजूने ठाम उभी राहते. अंबिका मीराला मानसिक आधार देण्याचा प्रयत्न करते.
पण परिस्थिती जसजशी बिघडत जाते, तसतसं अंबिकाला वाटू लागतं की आता मीराला सत्य सांगणं आवश्यक आहे. आणि त्या क्षणी अंबिका, मीरासमोर एक धक्कादायक सत्य उघड करताना दिसणार आहे – एक असं भयावह रहस्य, जे ऐकून मीराच्या पायाखालची जमीन सरकेल.
काय आहे हे सत्य? (Tula Japnar Aahe episode)
अंबिकाने इतके दिवस दडवलेली गोष्ट अखेर का सांगतेय ती मीराला?
या रहस्याचं परिणाम संपूर्ण कुटुंबावर कसं होणार?
हे जाणून घेण्यासाठी नक्की पाहा ‘तुला जपणार आहे’ मालिका –
दररोज रात्री १०:३० वा. फक्त झी मराठीवर.
उत्कंठा वाढवणारे भाग आता आणखी रोमांचक वळणावर येणार आहेत!
