नाशिक, दि. १८ सप्टेंबर २०२५ – Nashik Water Supply Shutdown नाशिक महानगरपालिकेने जाहीर केलेल्या माहितीनुसार, शहरातील महत्वाच्या जलवाहिन्यांच्या दुरुस्ती व देखभालीची कामे तसेच स्मार्ट सिटी प्रकल्पांतर्गत फ्लोमीटर बसविण्याचे नियोजन केल्यामुळे शनिवार, दि. २० सप्टेंबर २०२५ रोजी संपूर्ण नाशिक शहराचा पाणीपुरवठा पूर्ण दिवस बंद राहणार आहे.
महापालिकेच्या पत्रकानुसार पाणी वितरण व यांत्रिकी विभागाच्या संयुक्त कामांसाठी हे शटडाउन आवश्यक आहे. या काळात मोठ्या व्यासाच्या पाईपलाईन्सवरील दुरुस्ती, नवीन व्हॉल्व बसविणे, तसेच फ्लोमीटर स्थापनेची महत्त्वाची कामे पार पडतील.
नाशिक पूर्व विभागातील कामे(Nashik Water Supply Shutdown)
प्रभाग क्र. १४ येथील कालिका जलकुंभ भरणारी ५०० मि.मी. गुरुत्ववाहिनीवरील व्हॉल्व बदलणे.
त्याच जलकुंभावरील ५०० मि.मी. वितरण वाहिनीवरील व्हॉल्व दुरुस्ती.
प्रभाग क्र. २३ येथील अशोक स्कूल समोरील ४०० मि.मी. वितरण वाहिनीवर नवीन एअर व्हॉल्व बसविणे.
गांधीनगर जलकुंभ १,२,३ व ४ येथील वितरणवाहिनीवर व्हॉल्व व फ्लोमीटर बसविणे.
नाशिक रोड विभागातील कामे
भीमनगर जलकुंभ १ व २ येथे इलनेट व्हॉल्व व फ्लोमीटर दुरुस्ती.
शिवशक्ती नगर जलकुंभावर व्हॉल्व व फ्लोमीटर दुरुस्ती.
पवारवाडी जलकुंभ १ व २ येथे व्हॉल्व व फ्लोमीटर दुरुस्ती.
नविन नाशिक विभाग
भवानी माता जलकुंभाचे काम हाती घेण्यात येणार.
सातपूर विभाग
१२०० मि.मी. व्यासाच्या पाईपलाईनवर तीन ठिकाणी दुरुस्तीचे काम होणार.
या सर्व कामांकरिता शनिवारी (२० सप्टेंबर) पाणीपुरवठा पूर्ण दिवस बंद ठेवण्यात येणार आहे. तसेच रविवार, दि. २१ सप्टेंबर २०२५ रोजी सकाळचा पाणीपुरवठा कमी दाबाने होणार असल्याचे महापालिकेने स्पष्ट केले आहे. नागरिकांनी आवश्यक ती खबरदारी घेऊन पाण्याचा साठा करून ठेवावा, तसेच महानगरपालिकेस सहकार्य करावे, असे आवाहन कार्यकारी अभियंता साआअवि (पाणीपुरवठा) यांनी केले आहे.
[…] […]