नाशिक,दि,२८ नोव्हेंबर २०२५ – Nashik Events मराठी भाषेच्या ज्येष्ठ अभ्यासक प्रा.डॉ.जयश्री पाटणकर यांच्या भाषाविषयक पाच पुस्तकांचे प्रकाशन शनिवार दि. २९ डिसेंबर २०२५ रोजी होत आहे.ख्यातनाम समीक्षक डॉ.रमेश वरखेडे हे कार्यक्रमाच्या अध्यक्षस्थानी असून अमरावती विद्यापीठाचे अनंत मराठे आणि भाषाभ्यासक डॉ. एकनाथ पगार कार्यक्रमासाठी प्रमुख पाहुणे म्हणून उपस्थित राहाणार आहेत.
‘शब्दमल्हार’ प्रकाशनाच्यावतीने प्रकाशित होणारी ही भाषाविषयक पाचही पुस्तके अभिजात मराठी भाषेचा सध्या मिळालेला दर्जा या पार्श्वभूमीवर महत्त्वाची आहे. डॉ. पाटणकर या एचपीटी महाविद्यालयाच्या माजी मराठी विभागप्रमुख असून भाषाविषयक सैद्धांतिक लेखनासाठी त्या महाराष्ट्रात प्रसिद्ध आहेत. भाषाध्यापन, भाषाविमर्श, कथाकलन व काव्याकलन,
(Nashik Events) भाषाप्रकल्प आणि साहित्य, समीक्षा सिद्धांत ही पाच पुस्तके मान्यवरांच्या हस्ते प्रकाशित होणार असून हा सोहळा कुसुमाग्रज स्मारकातील ‘स्वगत’ सभागृहात सायंकाळी पाच वाजता होणार आहे, तरी या कार्यक्रमास भाषा अभ्यासक विद्यार्थी यांनी मोठ्या संख्येने उपस्थित राहावे असे आवाहन पाटणकर परिवारातर्फे करण्यात आले आहे.
