तीन दिवसांत ५० हजार लोकांनी बघितले आयमा प्रदर्शन

नाशिक,दि,३० नोव्हेंबर २०२५ – AIMA Index 2025अंबड इंडस्ट्रीज अँड मॅन्युफॅक्चरर्स असोसिएशन (आयमांमा)तर्फे नाशकात आयोजित चार दिवसांच्या आयमा इंडेक्स-2025 या विराट औद्योगिक कुंभाला मिळात असलेला अभूतपूर्व प्रतिसाद आणि यामुळे नाशिकला गुंतवणुकीचा मोठ्या प्रमाणात सुरू झालेला ओघ हे या प्रदर्शनाचे खास वैशिष्ट्य म्हणावे लागेल. न भूतो न भविष्यती असेच या प्रदर्शनाचे वर्णन करावे लागेल.या प्रदर्शनाला उद्योजकांचा भरभरून प्रतिसाद तर लाभलाच परंतु गेल्या  तीन दिवसांत 50 हजारांहून अधिक लोकांनी प्रदर्शन बघण्यास गर्दी केल्याने आयोजकांना सुखद धक्काच बसला आहे.

375 हून अधिक उद्योजकांनी यात सहभाग  नोंदविला होता.बी टू बी अंतर्गतच्या बैठका,खरेदीदार आणि वेंडर्स यांच्यात प्रत्यक्ष घडवून आणलेली चर्चा तसेच या प्रदर्शनामुळे येत्या काही दिवसात कोट्यवधीची गुंतवणूक नाशकात येण्याची  बळावलेली शक्यता तसेच राजकीय नेते आणि विविध क्षेत्रातील मान्यवरांनी दिलेल्या भेटी आणि विविध विषयांवरील परिसंवाद आणि सांस्कृतिक कार्यक्रमाने प्रदर्शनाची रंगत अधिकच वाढली होती. प्रदर्शनाच्या मुख्य प्रायोजकांपैकी एक असलेल्या एचएएलच्या उच्चपदस्थ अधिकाऱ्यांनी त्यांच्या विविध प्रकल्पांसाठी नाशिकच्या उद्योजकांचे पाठबळ लागेल अशी अपेक्षा एचएएलच्या उच्चपदस्थ अधिकाऱ्यांनी व्यक्त केल्याने नाशिकच्या उद्योजकांचा आनंद द्विगुणित झाला आहे. यामुळे नाशिकच्या उद्योजकांना निश्चितच चांगले दिवस येतील असे म्हटले तर ते वावगे ठरणार नाही. 

प्रदर्शनाचे औचित्य साधून आयोजकांनी नाशकातील उद्योग क्षेत्राच्या विकासाबाबत  विविध शासकीय यंत्रणांचे अधिकारी आणि मान्यवार उद्योजक यांच्यासंबरोबर चर्चासत्राचे आयोजन करून त्यांची मते जाणून घेतली.सर्वांनीच नाशिकच्या औद्योगिक विकासाबाबत भरीव योगदान देण्याचे अभिवचन देतानाच सौहार्दपूर्ण वातावरण निर्मितीची अपेक्षा व्यक्त केली. आयमाने नाशिकला औद्योगिक क्षेत्रात विविध उंचीवर नेऊन ठेवल्याचे सांगताना आयमाचे विद्यमान अध्यक्ष ललित  बूब आणि त्यांच्या टीमचे तोंड वरून कौतुक केले.

कनेक्ट,कोलॉब्रेट अँड क्रिएट ही थीम घेऊन भरविण्यात आलेल्या या औद्योगिक प्रदर्शनात अभियांत्रिकी,मशीन टूल्स, मेकॅट्रॉनिक्स,ऑटोमोबाईल, मेकॅनिकल,इलेक्ट्रिकल, इलेक्ट्रॉनिक्स, औद्योगिक उपभोग्य वस्तू,आयटी, आयटीएस, ऑफिस ऑटोमेशन,अपारंपरिक उर्जा,बँकिंग,विमा आणि वित्त, शिक्षण आणि पर्यटन, खास आकर्षण म्हणजे ईव्ही व एआयची विविध प्रकारची उत्पादने तसेच ईव्ही वाहने आणि एआय उत्पादने या विषयी 375हून अधिक स्टॉल्स आहेत.अत्याधुनिक यंत्रसामुग्री बरोबरच नाविन्यपूर्ण उत्पादित केलेल्या  उदयोन्मुख उद्योजकांचे नवनवीन कलाविष्कार बघण्याची संधीही लोकांना उपलब्ध झाली आहे. 

प्रदर्शनाच्या यशस्वीतेसाठी बीओपीपी चेअरमन  ज्ञानेश्वर गोपाळे,आयमा इंडेक्स महाकुंभ २०२५ चेअरमन वरूण तलवार,उपाध्यक्ष राजेंद्र पानसरे,उमेश कोठावदे,सरचिटणीस प्रमोद वाघ,सहसचिव योगिता आहेर,सहसचिव हर्षद बेळे, खजिनदार गोविंद झा,आयपीपी निखिल पांचाळ, दिलीप वाघ, अविनाश मराठे, जयदीप अलिमचंदानी जगदीश पाटील हेमंत खोंड,रवींद्र झोपे,अविनाश बोडके,मनीष रावळ,रवींद्र महादेवकर,राहुल गांगुर्डे,जयंत पगार,कुंदन डरंगेधीरज वडनेरे, अभिषेक व्यास,श्रीलाल पांडे,अजय यादव,रवी शामदासांनी, विनोद कुंभार,श्वेता चांडक,अलोक कानांनी,नागेश पिंगळे, करणसिंग पाटील, रणजित सानप, सुरज आव्हाड, सुमित तिवारी,कमलेश उशीर,वेदांत राठी, मनोज मुळे आदी विशेष परिश्रम घेत आहेत.

आज समारोप (AIMA Index 2025)

दरम्यान  चार  दिवसांच्या या औद्योगिक महाकुंभाचा समारोप आज सोमवार दि.१ डिसेंबर रोजी सायंकाळी मान्यवरांच्या उपस्थितीत होणार आहे. ज्यांनी अजून प्रदर्शन बघितले नसेल त्यांनी त्यांनी आवश्य हे प्रदर्शन बघावे असे आवाहन प्रदर्शनाचे चेअरमन वरूण तलवार यांनी केले. दरम्यान रविवारी प्रदर्शन बघणाऱ्या मान्यवरांमध्ये धुळ्याच्या खासदार डॉ.शोभा बच्छाव, म्हाडाचे क्षेत्रिय अध्यक्ष रंजन ठाकरे, कामगार उपायुक्त विकास माळी, इनोवा रबरचे व्यवस्थापकीय संचालक, सचिन आंबर्डेकर, कोसाचे व्यवस्थापकीय संचालक गौरव गुप्ता, जेएसडब्ल्यू/ ज एसएफचे मुख्य कार्यकारी अधिकारी जयदीप भट्टाचार्य, वाहतूक संघटनेचे नेते राजेंद्रनाना फड आदींचा समावेश होता.

पर्यावरण संवर्धनावर विशेष भर द्या शेखर सिंह यांचे उद्योजकांना आवाहन

नाशिकच्या उद्योजकांनी पर्यावरण संवर्धनावर विशेष भर द्यावा तसेच हरित ऊर्जेचा प्रचार व प्रसार करावा,असे आवाहन कुंभमेळा आयुक्त शेखर सिंह यांनी केले. औद्योगिक महाकुंभमध्ये आयमा राईज अंतर्गत हरित ऊर्जेबाबत आयोजित चर्चासत्रात प्रमुख मार्गदर्शक म्हणून शेखर सिंह बोलत होते.व्यासपीठावर महाप्रीतचे कार्यकारी संचालक परेश शेठ, आयमाचे अध्यक्ष ललित बूब, ऋषभ इन्स्ट्रुमेंटचे संचालक नरेंद्र गोलिया, एबीबीचे वरिष्ठ उपाध्यक्ष गणेश कोठावदे,आयपीपी निखिल पांचाळ,डायनामिक प्री स्ट्रेसचे चेतन प्रभू,पर्यावरण समिती चेअरमन वेदांत राठी आदी होते.प्रत्येक शहराच्या विकास हा पर्यावरणाच्या संवर्धनावरच अवलंबून असतो हे सांगताना शेखरची यांनी पिंपरी चिंचवड येथे महापालिका आयुक्त असताना या क्षेत्रात केलेल्या उल्लेखनीय कार्याची माहिती दिली.

भारताच्या पहिल्या पहिल्या फ्लोटिंग सोलर (पाण्यावर तरंगणारे सौर)चे काम सुरू झाल्याचे महाप्रीतचे कार्यकारी संचालक परेश शेठ यांनी आपल्या मनोगतात सांगितले. आमची अध्यक्ष ललित बूब यांनी प्रास्ताविक केले. पर्यावरण संवर्धनाच्यादृष्टीने आयमाने महत्त्वपूर्ण पावले उचलली असून प्रदर्शनाची उभारणी करताना डोम टू हा पूर्णतः बॅटरीवर आधारित असल्याचे त्यांनी नमूद केले. पर्यावरण समिती चेअरमन वेदांत राठी यांनी पर्यावरण संवर्धन तसेच सौर ऊर्जेच्या अधिकाधिक  वापराबद्दल आई माने उचललेल्या विविध पावलांची माहिती दिली.